Mexmonxonov tayyorlov kursi Ona tili va adabiyoti Qo’lidagi bir dasta kalitlardan birini tanlab uy eshigi

372-, 373-, 374 topshiriqlari uchun matn.

Ovchilar ta’qibidan qochib kelayotgan Tulki o‘rmonda bir daraxt kesuvchiga ro‘para keladi va unga: «Meni yashir», — deb iltijo qiladi. Daraxt kesuvchi unga: «Bor, kulbamga kirib berkina qol», — deydi. Birozdan so‘ng bu yerga ovchilar yetib kelishadi va daraxt kesuvchidan: «Ko‘rmadingmi, shu yerdan bir Tulki yugurib o ‘tmadimi?» — deb so‘raydilar. Daraxt kesuvchi baland ovoz bilan:

«Ko‘rmadim», — deb aytadi, ammo ayni paytda Tulkining qayerga berkinganini qo‘li bilan ko‘rsata boshlaydi. Lekin ovchilar uning ishorasini tushunishmaydi, qisqasi, ovchilar uning gapiga ishonishib, jo‘nab ketishadi. Nihoyat, Tulki ovchilarning ot choptirib ketishganini eshitib kulbadan
chiqadi va churq etmay keta boshlaydi. Bu holni ko‘rgan daraxt kesuvchi unga: «Hoy, noshukur jonzot, axir, men seni o‘lim dan qutqarib qoldim-ku! Sen

bo‘lsang menga rahmat ham aytmay, juftakni rostlab qolyapsan-a?» — deb … .(374) Unga javoban Tulki deydi: «Agar aytgan so‘zing bilan imo-ishorang bir-biriga mos bo‘lganida rahmat aytardim».

372.Matnni o’qing va matn mazmuniga mos she’riy baytni aniqlang.

A)Bu olam aro ajam alamlar ko’rdim,

Olam elidin turfa sitamlar ko’rdim.

B)Jonimdin o’zga yori vafodor topmadim,

Ko’nglumdin o’zga mahrai asror topmadim.

C)Tiniq suv ham bir kun loyqa bo’ladi,

Kulma sira senga navbat keladi.

D)Qo’lin ochar go’yo ulug’ duoga,Ichda esa qarg’ar : “Soldim xudoga”.

373. Matndagi ajratib ko’rsatilgan gapga mos maqolni tanlang.

A)Nima eksang, shuni o’rasan.

B)Do’st do’stni kulfatda sinar,

Odam odamni mehnatda sinar.

C)Usti yaltiroq, ichi qaltiroq.

D)Qalovini topsang,qor ham yonar.

374.Matn o’qing va ajratib ko’rsatilgan nuqtalar o’rniga uslubiy jihatdan mos so’zni tanlang.

A)E’tiroz bildirdi B)Malomat qildi

C)Shikoyat qildi D)Aytdi