Mexanika mashinasozlik fakulteti texnologik mashinalar va jihozlar kafedrasi

2-BOB. BАRАBАNLI QURITGICHLАRNI HISOBLASH.

2.1 BARABANLI QURITGICH.

Bu qurilmalar atmosfera bosimida uzuluksiz ravishda turli sochiluvchan va donasimon materiallarni tutunli gazlar yoki issiq havo bilan quritish uchun ishlatiladi. Ular slindirsimon korpusdan iborat boʼlib, gorizontga nisbatan juda kichik ogʼish burchakda joylashtiriladi. Baroban ikki rolikli tayanchlarga joylashtirilgan boʼlib, elektrodvigatelьva reduktor yordamida aylantiriladi. Аylanish soni 5-8ayl/min. Baraban ichida nasadkalar oʼrnatilgan boʼlib, ular fazalararo kontakt yuzasini oshirish uchun qoʼllaniladi. Nasadkalar barabanning koʼndalang kesimi boʼyicha materialni bir meʼyorda tarqatish va aralashtirishni taʼminlaydi. Material va qurituvchi agent bir-biriga nisbatan toʼgʼri yoʼnalishda berilsa, barabanning ichida material oʼta qizib ketmaydi, chunki bu sharoitda yuqori temperaturali isituvchi agent katta namlikka ega boʼlgan material bilan kontaklashadi. Barabanli quritgichlar uzunligi L va tashqi diametr D boʼyicha tanlanadi.

Nam material bunker 1 dan taʼminlagich 2 orqali aylanib turgan baraban 3 ga beriladi. Material bilan bir xil yoʼnalishda barabanga qurituvchi agent beriladi. U yoqilgʼi oʼtxonasi 4 da yonishida xosil boʼlgan gazlarni aralashtirish kamerasi 5 da havo bilan aralashtirish natijasida hosil boʼladi. Havo oʼtxona va aralashtirish kamerasiga ventilyatorlar 6 va 7 yordamida beriladi. Quritilgan material barabanning boshqa tomonidan bunker 8 ga tushadi va undan transporter 9 ga oʼtadi. Ishlatilgan gazlar atmosferaga chiqarib yuborishdan avval mayda zarrachalardan siklon 10 da tozalanadi va kerak boʼlsa yana qoʼshimcha tozalanadi. Qurituvchi agent baraban orqali ventilyator 11 yordamida uzatiladi. Uzatilish davrida uncha katta boʼlmagan siyraklanish hosil boʼladi va bu esa qurituvchi agentning barabanli quritgich teshiklari orqali yoʼqotilishiga yoʼl qoʼymaydi. Baraban elektrodvigatelьva tishli uzatma 2 yordamida aylantirib turiladi.

Barabanning ichida materialni bir meʼyorda tarqatish, aralashtirish va yoʼnaltirish uchun nasadka joylashtirilgan (39,47,48, 72, 75). Quritilayotgan material donalarining oʼlchamiga va xossalariga qarab xar-xil nasadkalardan foydalaniladi. Katta boʼlakli va qovishib qolish xususiyatiga ega boʼlgan materiallarni quritishda koʼtaruvchi parrakli nasadkalar, yomon sochiluvchan va katta zichlikka ega boʼlgan katta boʼlakli materiallarni quritish uchun sektorli nasadka; kichik boʼlakli, tez sochiluvchan materiallarni quritishda tarqatuvchi nasadka ishlatiladi; mayda qilib ezilgan, chang xosil qiluvchi kukun materiallarni berk yacheykali, dovonsimon nasadkalar boʼlgan barabanlarda quritish maqsadga muvofiqdir. Аyrim sharoitlarda murakkab nasadkalardan foydalansa xam boʼladi (14-rasm).