Mexanika mashinasozlik fakulteti texnologik mashinalar va jihozlar kafedrasi

Mavxum qaynash qatlamli quritkichlar. Jarayon mavhum qaynash qatlamida olib borilganda qattiq material zarrachalari va qurituvchi agent oʼrtasida kontakt yuzasi koʼpayadi, namlikning materialdan bugʼlanib chiqish tezligi ortadi, quritish vaqti esa ancha qisqaradi. Hozirgi kunda ximiyaviy texnologiya mavxum qaynash qatlamli quritkichlar sochiluvchan donasimon materialdan tashqari, qovushib qolish xususiyatiga ega boʼlgan materiallar, pastasimon moddalar eritmalar, qotishmalar va suspenziyalarni suvsizlantirish uchun ishlatilmoqda[10, 14,18,33].

Uzuluksiz ishlaydigan bitta kamerali quritkichlar keng tarqalgan Nam material bunkerdan taʼminlagich orqali quritkich kamerasiga beriladi. Kameraning pastki qismida tarqatuvchi toʼr joylashtirilgan. Havo ventilyator orqali aralashtirish kamerasiga beriladi va bu yerda issiq tutunli gazlar bilan aralashadi.

Nasadkalarning turlari.

Qurituvchi agent (issiq havo yoki havoning tutunli gazlar bilan aralashmasi) maʼlum tezlik bilan toʼrning pastidan beriladi. Havo oqimi taʼsirida qattiq material donachalari mavxum qaynash holatiga keltiriladi. Quritilgan material toʼrdan bir oz tepada joylashgan shtucher orqali tashqariga chiqariladi va transportyorga tushadi. Ishlatilgan gazlar siklon va batareyali chang ushlagichda tozalanadi.

Bir kamerali mavhum qaynash qatlamli quritgich: 1,2-bunkerlar; 3-gaz tarqatuvchi toʼr; 4-quritish kamerasi; 5-aralashtirish kamerasi; 6-ventilyator; 7-shtutser; 8-transporter; 9-tsiklon; 10-chang ushlagich.

Silindrsimon korpusli quritkichlarda baʼzan quritish jarayoni bir maʼyorda bormaydi, chunki qatlamda intensiv aralashtirish mavjud boʼlganligi sababli ayrim zarrachalarning apparatda boʼlish vaqti oʼrtacha qiymatdan ancha farq qiladi. Shu sababli oʼzgaruvchan kesimli quritkichlardan foydalaniladi. Bunday konussimon apparatning pastki qismida gazning xarakatlanish tezligi eng katta zarrachaning choʼkish tezligidan katta, tepa qismida esa eng kichik zarrachaning choʼkish tezligidan kam boʼladi. Bunday holatda qattiq zarrachalarning nisbatan tartibli sirkulyatsiyasi mavjud boʼlib, zarrachalar apparatning markaziy qismida qutariladi, uning chekka qismilarida esa pastga qarab tushadi. Natijada material bir meʼyorda isiydi va kameraning ish balandligi kamayadi.