Mexanika mashinasozlik fakulteti texnologik mashinalar va jihozlar kafedrasi

Sochib beruvchi quritkichlar. Bunday apparatlarda quritilishi lozim boʼlgan material juda mayda qilib sochib beriladi va parallel oqimda harakat qilaetgan qurituvchi agent (issiq havo yoki tutunli gazlar) bilan toʼqnashadi, natijada namlik katta tezlik bilan bugʼlanadi. Sochib beruvchi quritkichlarda bugʼlanishning solishtirma yuzasi katta boʼladi, shu sababli quritish jarayoni qisqa vaqt (taxminan 15.. 30 s) davom etadi[18,33].

Quritish qisqa vaqt davom etganligi sababli jarayon past temperaturalarda olib boriladi, natijada sifatli kukunsimon mahsulot olinadi. Аgar nam material oldin qizdirib olinsa, sovuq holdagi qurituvchi agentdan ham foydalansa boʼladi.

Materialni sochish uchun mexanik va pnevmatik forsunkalar hamda markazdan qochma disklar (aylanishlar soni minutiga 4000 ... 20 000) ishlatiladi.

Sochib beruvchi quritkichda nam material quritish kamerasiga forsunka yordamida sochib beradi. Qurituvchi agent ventilyator yordamida kalorifer orqali apparatga beriladi, u kamera ichida material bilan parallel harakat qiladi. Qurigan materialning mayda zarrachalari kameraning pastki qismiga choʼkadi va shnek yordamida kerakli joyga yuboriladi. Ishlatilgan qurituvchi agent siklon va yengil filьtrda mayda chang zarrachalaridan tozalangan, soʼng atmosferaga chiqarib yuboriladi.

Sochib beruvchi quritkichlarda material va qurituvchi agent oqimilari toʼgʼri, qarama-qarshi va aralash yoʼnalishda boʼlishi mumkin, biroq koʼpincha toʼgʼri (yoki parallel) yoʼnalishli oqim ishlatiladi.

Sochib beruvchi quritkichlar yuqorida aytib oʼtilgan afzalliklardan tashqari bir qator kamchiliklarga ham ega: 1) nam materialning apparat devorlariga yopishib qolmasligi uchun kameraning diametri ancha katta boʼladi; 2) kamerada solishtirma bugʼlanish qiymati juda kichik (1 m3 kameradan soatga 10 ... 25 kg suv ajraladi); 3) havo oqimining tezligi

Sochib reruvchi quritgich; 1-quritish kamerasi; 2-forsunka; 3- shnek; 4-tsiklon; 5-filьtr ; 6-ventilyator: 7-kalorifer.

nisbatan kichik (0,2 ... 0,4 m/s) agar havo tezligi katta boʼlsa mayda zarrachalarning choʼkishi qiyinlashadi va ularning havo oqimi bilan ketib qolishi koʼpayadi.