Мева-сабзавотларни етиштириш, қайта ишлаш ва сотишнинг маркетинг стратегиясини ишлаб чиқиш 1

маркетинг стратегиясини ишлаб чиқиш»
 
146 
Ғарб мамлакатлари экспертлари ҳисоблашларига кўра корхоналар 
истеъмолчиларнинг ҳоҳиш-истакларини қондириш тизими номукаммаллиги 
туфайли ўз истеъмолчиларининг 10-30 фоизни ҳар йили йўқотадилар. 
Ж.Компанелли маълумотларига кўра битта ҳафсаласи пир бўлган харидор ўзида юз 
берган муаммолар ҳақида ўртача яна 35 та потенциал харидорларни хабардор 
қилиши мумкин. Бундай иккиламчи оқибат келажакдаги сотувлар ҳажмини 
бутунлай барбод қилиши мумкин. Бошқа тадқиқотчиларда бу рақам пастроқ. 
Масалан, Ф.Котлер 11 рақамини келтиради. Лекин бу рақам ҳам етарли даражада 
юқори. 
Шундай қилиб, юқоридагиларни умумлаштирилган ҳолда айтиш мумкинки, 
маркетингнинг иқтисодий моҳияти, бир томондан, истеъмолчилар талабларини энг 
тўла ва тез қондиришга ва, иккинчи томондан, фойда олишга қаратилган бозорни 
ўрганиш ва бозор конъюнктурасига фаол кўрсатишга асосланувчи ишлаб чиқариш 
ва сотишни бошқариш концепциясидан иборатдир. 
Маркетинг фаолияти иқтисодий қонунлар талаблари асосида қурилиши ва 
маркетингга хос объектив қонуниятларни рўёбга чиқарилиши лозим. Шу ўринда 
таъкидлаш лозимки, маркетинг қонуниятларини ҳозирга қадар ҳам жуда чуқур 
асослаб берилган эмас ва тадқиқотлар изчил давом этмоқда. Корхона фаолиятида 
айнан маркетингнинг объектив қонуниятлари тобора муҳимроқ аҳамият касб этиб 
бормоқда. Иқтисодий фанларнинг назарияси ва методологиясига таянган ҳолда 
маркетингнинг қуйидаги объектиқв қонуниятларини ажратиб кўрсатиш 
мумкин:маркетинг мақсадлари ва принципларининг бирлиги; ишлаб чиқариш, 
ташкилий ва ижтимоий тизимларнинг маркетинг тизимида улар реал мазмунига 
монанд акс эттирилиши; маркетинг тизими яхлитлиги ва диалектикаси; маркетинг 
тизими статистикаси ва динамикаси оптималлиги; маркетинг жараёнларининг 
узлуксизлиги. 
АГРОСАНОАТ КОМПЛЕКСИ ТАРМОҚЛАРИДА МАРКЕТИНГ