Metrologiyaning asoslari

Buyumlar yaroqliligini muqobil (alternativ) tekshirish vositalari
Buyumlarning yaroqliligini tekshirish uchun muqobil (alternativ) uslub deb ataladigan umumiy prinsiplar amal qiladi.

Alternativa - lotinchadagi alter - ikkitadan bittasi degan so‘zdan olingan bo‘lib, bir-birini istisno qiladigan imkoniyatlardan birini anglatadi.

Nazoratning alternativ uslubini ГОСТ 15895-77 belgilaydi. Ushbu ГОСТga muvofiq «Alternativ belgisiga binoan nazorat - bu sifat belgisi bo‘yicha nazorat bo‘lib, uning jarayonida mahsulotning har bir tekshirilgan birligini yaroqli yoki defektli mahsulotlar kategoriyasiga kiritiladi». YAroqlilikning alternativ tekshirilishida tekshirilayotgan parametrlarning haqiqiy mohiyatini aniqlash vazifasi qo‘yilmaydi, balki faqat nazorat parametrining normativga muvofiqligi fakti belgilanadi. Bunday nazorat oddiy, kompleks, bir va ko‘p o‘lchovli, noavtomatik, mexanizatsiyalashgan, yarim avtomatik, avtomatik, passiv va aktiv bo‘lishi mumkin.

U shu maqsad uchun maxsus mo‘ljallangan o‘lchov vositalari vositasida amalga oshiriladi.