Метрология

Ўлчаш жараѐни
– бу солиштириш экспериментини ўтказиш жараѐнидир 
(солиштириш қандай усулда бўлмасин). 
Ўлчаш усули
– бу физик экспериментнинг аниқ, маълум структура, 
ўлчаш воситалари ва эсперимент ўтказишнинг аниқ йўли, алгоритми ѐрдамида 
бажарилиш, амалга оширилиш, усулидир.
Ўлчаш одатда ўлчашдан кўзланган мақсадни (изланаѐтган катталикни) 
аниқлашдан бошланади, кейин эса шу катталикнинг тавсифини тахлил қилиш 
асосида бевосита ўлчаш объекти (ўлчанадиган катталик) аниқланади. Ўлчаш 
жараѐни ѐрдамида эса шу ўлчаш объекти тўғрисида информация ҳосил 
килинади ва ниҳоят баъзи математик қайта ишлаш йўли билан ўлчаш максади 
ҳақида ѐки изланаѐтган катталик ҳақида информация (ўлчаш натижаси) 
олинади.
Ўлчаш натижаси
– ўлчанаѐтган катталикнинг сон қийматини ўлчаш 
бирлигига кўпайтмаси тарикасида ифодаланади.
Х = n(х), бу ерда Х – ўлчанадиган катталик
N – ўлчанаѐтган катталикнинг қабул қилинган ўлчов бирлигидаги сон 
қиймати; 
(х) – ўлчаш бирлиги
Ўлчаш жараѐнини автоматлаштириш муносабати билан ўлчаш 
натижалари ўтказмасдан тўғридан-тўғри электрон ҳисоблаш машиналарига ѐки 
автоматик бошқариш тизимларига берилиши мумкин. Шунинг учун, кейинги 
пайтларда , айниқса, кибернетика соҳасидаги мутахассисларда ўлчаш ҳақидаги 
тушунча қуйидагича таърифланади. 
Ўлчаш
– бу изланаѐтган катталик ҳақида информация қабул қилиш ва 
ўзгартириш жараѐнидир. Бундан кўзда тутилган мақсад шу ўлчанаѐтган 
катталикни ишлатиш, ўзгартириш, узатиш ѐки қайта ишлашлар учун қулай 
шаклдаги ифодасини ишлаб чиқишдир. 
Ўлчаш фан ва техниканинг кайси сохасида ишлатилишига қараб у аниқ 
номи билан юритилади: электрик, механик, иссиклик, акустик ва х.к. 
Бевосита ўлчаш – ўлчанаѐтган катталикнинг қийматини тажриба 
маълумотларидан бевосита топиш. Масалан, оддий чизғич ѐрдамида узунликни 
ўлчаш. 
у=с х; 
Бунда у - муайян бирликда ифодаланиб ўлчанаѐтган катталикнинг 
қиймати; 
с - шкаланинг бўлим қиймати; 
х – шкаладан олинган қайднома.