Метрология, стандартлаштириш, ўзаро алмашинувчанлик ва сертификатлаштириш

Тўлиқ ўзаро алмашинувчанликда деталларни
йигиш жараенида уларга хеч кандай ишлов берилмайди.
Тўлиқ ўзаро алмашинувчанлик асосан куплаб ва йирик сериалаб ишлаб чикариш корхоналари учун хосдир.
Тўлиқ ўзаро алмашинувчанлик деталларни таъмирлашни осонлаштиради.
Бунда ейилган ва синган деталларни хеч кандай ишлов бермай алмаштирилади.
Тўликмас ўзаро алмашинувчанликда деталларни йигишдан олдин ўлчамлари бир бирига якин бўлган гуруҳлари ўзаро йигилади, ёки деталлардан бири йигиш вақтида танлаб олинади еки деталга кушимча ишлов берилади.
Бунинг натижасида йигиш жараёнида белгиланган аникликка эришилади.
Тўлиқмас ўзаро алмашинувчанлик машина деталларини йигишда курсатилган аниклик таъминланмаган холларда қулланилади.
Масалан, думалаш подшипникларининг золдирлари, ички ва ташқи ҳалқаларининг аниқлигини у кадар оширмасдан уларни жоизликлари буйича гурухларга ажратиб, улчамлари бир-бирига якин бўлган гуруҳлари йигилади.
Тўлиқмас ўзаро алмашинувчанликда қўзғалмас компенсаторлар (қискартма, шайба, поналар) дан ҳамда қўзгалувчан компенсаторлар (бунда бир деталнинг ҳолати иккинчисига нисбатан сурилади) дан фойдаланилади.
Ташқи ўзаро алмашинувчанликда узелларнинг фойдаланиш кўрсаткичлари ва бириктириш ўлчамлари бўйича уларнинг ўзаро алмашинувчанлиги амалга оширилади.
Масалан, электродвигателнинг кучланиши ва куввати унинг фойдаланиш кўрсаткичларига киради, лапкаларидаги тешиклар диаметрларининг жойлашиши эса бириктириш ўлчамларига киради.
Уларнинг ўзаро алмашинувчанлигини таъминлаш ташқи ўзаро алмашинувчанлик дейилали.
Ички ўзаро алмашинувчанлик - бу маҳсулот таркибига кирувчи узеллар ва механизмларнинг ёки узелга кирувчи алоҳида деталларнинг ўзаро алмашинувчанлигидир.
Масалан, думалаш подшипникларидаги золдир (ёки ролик) лар ва ҳалқаларини ўзаро алмашувчанлиги; поршен бармоқларини ва шатун юкориги каллагининг, қистирмасини ўзаро алмашувчанлиги ва бошқалар.