Metodikasi” kafedrasi “Maktabgacha pedagogika”

Kurs ishining maqsadi: Davlat maktabgacha ta’lim tashkilotlarida mudiraning ish faoliyatini nazariy va amaliy jihatdan o‘rganish.


Kurs ishining vazifalari:

1. 
   Davlat MTT boshqarish usullari va boshqaruvchining ilmiy salohiyatini nazariy jihatdan o‘rganish.
   
2. 
   Davlat MTT faoliyatini tashkil etishda mudiraning o‘rnini o‘ziga xosligini o‘rganish
   
3. 
   Davlat MTT mudirasini vazifalari va malaka tasniflarini o‘rganish
   

Kurs ishining ob‘yekti: Davlat maktabgacha ta’lim tashkilotni boshqarish, ta’lim tashkilotlarini boshqarish, boshqaruvni tushunish
Kurs ishining predmeti: Davlat maktabgacha ta’lim tashkilotni boshqarish, ta’lim tashkilotlarini boshqarish, boshqaruvni tushunish faoliyatini shakllanishi va rivojlanishi jarayoni
Kurs ishining tuzilishi: kurs ishi 2 ta bob, xulosa va tavsiyalar, adabiyotlar ro‘yxati hamda ilovalar, jami 38 betdan iborat.

I. BOB Davlat MTTlarida mudiraning ish foaliyati
1.1. Davlat MTT faoliyatini tashkil etishda mudiraning o‘rnini o‘ziga xosligi

1. 
   Davlat maktabgacha ta’lim tashkilotning mudirasi, uning faoliyatini tashkil etish, moliyalashtirish va Davlat maktabgacha ta’lim tashkilotni boshqarish foliyatini tartibga soladi.
   

Davlat maktabgacha ta’lim tashkilot mudirasi o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, boshqa qonun hujjatlariga, shuningdek ushbu Nizomga amal qiladi.
Davlat maktabgacha ta’lim tashkilot yuridik shaxs hisoblanadi va o‘z ustaviga mustaqil balansiga, bank hisob raqamlariga, o‘z nomiga ko‘rsatilgan muhrga ega bo‘ladi.
Maktabgacha ta’lim tashkiloti-murakkab tarmoq bo‘lib, mudiraning undagi roli, faoliyati ko‘p qirralidir. Mudira-maktabgacha ta’lim tashkilotining tashkilotchisi, rahbari, malakali pedagog, uning faoliyati maktabgacha ta’lim yoshidagi bolalarni komil inson qilib tarbiyalash vazifalarini to‘laqonli hal etishga qaratilgan. U maktabgacha ta’lim tashkilotlaridagi ta’lim-tarbiyaviy, pedagogik va gigiyenik talablariga muvofiq ravishda amalga oshirilishi uchun zarur lozim-sharoitlarni ta’minlaydi. O‘z jamoasida ishchanlik, maqsadga qaratilgan inoqlik vaziyatini yaratadi. Ularga umumiy rahbarlik qiladi. Mudira o‘z ishida davlatimiz va Maktabgacha ta’lim vazirligi tomonidan qabul qilingan qaror, qonunlarga amal qiladi va o‘z ustida ijodiy ravishda ishlashni amalga oshiradi. Yuksak onglilik va siyosiy yetuklik, tamoyillilik, o‘ziga va qo‘l ostidagilarga talabchanlik-bu mudiraga qo‘yiladigan asosiy talablardir.
Davlat maktabgacha ta’lim tashkilotiga bevosita rahbarlik qilish O‘zbekiston Respublikasi Maktabgacha ta’lim vazirligi bilan kelishilgan holda tegishlicha Qoraqalpog‘iston Respublikasi Maktabgacha ta’lim vazirligi, viloyatlar maktabgacha ta’lim boshqarmalari hamda Toshkent shahar maktabgacha ta’lim bosh boshqarmasi tomonidan tayinlanadigan mudir tomonidan amalga oshiriladi.
Davlat maktabgacha ta’lim tashkiloti mudiri bilan mehnat shartnomasi bir yil muddatga tuziladi.
Davlat maktabgacha ta’lim tashkiloti mudiri lavozimiga qo‘yiladigan malaka talablari O‘zbekiston Respublikasi Maktabgacha ta’lim vazirligi tomonidan belgilanadi.
Davlat maktabgacha ta’lim tashkiloti mudiri:
davlat maktabgacha ta’lim tashkiloti faoliyatiga umumiy rahbarlikni amalga oshiradi;
bolalar hayoti va sog‘ligini muhofaza qilish hamda ta’lim tarbiya jarayonining samarali tashkiletilishini ta’minlaydi;
davlat maktabgacha ta’lim tashkiloti nomidan faoliyat ko‘rsatadi va barcha tashkilotlarda uning manfaatlarini ifodalaydi;
davlat maktabgacha ta’lim tashkiloti mol mulkini o‘ziga berilgan vakolatlar doirasida tasarruf etadi;
davlat maktabgacha ta’lim tashkiloti xodimlarini mehnat to‘g‘risidagi qonun hujjatlariga muvofiq ishga qabul qiladi va ular bilan tuzilgan mehnat shartnomalarini bekor qiladi;
davlat maktabgacha ta’lim tashkiloti xodimlarini moddiy va ma’naviy rag‘batlantiradi, ularga nisbatan intizomiy jazo choralarini qo‘llaydi;
o‘z vakolati doirsida buyruqlar chiqaradi;
davlat maktabgacha ta’lim tashkilotining faoliyatini takomillashtirish, moddiy-texnika bazasini mustahkamlsh, xodimlarni ijtimoiy muhofaza qilishni ta’minlash bo‘yicha takliflarni ko‘rib chiqish uchun maktabgacha ta’lim tashkilotlari faoliyatini metodik ta’minlash va tashkil etish tuman (shahar) bo’limiga kiritadi;
davlat maktabgacha ta’lim tashkilotining moddiy- texnika bazasini mustahkamlash, zamonaviy talablarga javob beradigan inventor, jihoz, o‘quv-metodik qo‘llanmalar va multimediali vositalar bilan ta’minlash ishlarini tashkil etadi;
davlat maktabgacha ta’lim tashkilotining moliya-xo‘jalik faoliyatiga javob beradi.
Davlat maktabgacha ta ‘lim tashkilotida ta ‘lim- tarbiya jarayonini takomillashtirish ,maktabgacha ta ‘limning innovatsion shakllarini rivojlantirish maqsadida pedagogik kengash faoliyat ko’ rsatadi. Pedagogik kengash a’ zolarini saylash tartibi va uning vakolatiga kiradigan masalalar davlat maktabgacha ta’lim tashkiloti ustavida belgilanadi.