Metodika tushunchasi yurtimizda ilmiy doirada keng qöllanib kelinadi. Bundan tashqari u bilan yonma-yon usul, uslub

Metodika tushunchasi yurtimizda ilmiy doirada keng qöllanib kelinadi. Bundan tashqari u bilan yonma-yon usul, uslub kabi özbekcha muqobillari ham ishlatiladi. Bizning nazarimizda ilmiy doirada xalqaro söz bölgan METODIKA atamasi qöllangani maqsadga muvofiq. Shu nuqtai nazardan qarashlarimizda metodika sözidan foydalanamiz.
Metodika tushunchasini örganishdan avval uning negizini tahlil qilib körsak. Metod özi nima?
Metod bu biror maqsadni amalga oshirish uchun foydalaniladigan yöl, usuldir. Aslida kundalik hayotimizda har sohada, har soniyada undan foydalanamiz. Misol uchun, dushanba kuni ertalab ishga borishimiz kerak. Ishga borish bizning bosh maqsadimiz. Yölga chiqishdan avval ishga QANDAY qilib yetib olishimiz haqida öylaymiz. Avtobusda boramizmi yoki taksi olamizmi, balki piyoda borgannimiz ma'quldir. Demak birgina maqsadimizga uchta usulni qöllashimiz mumkin böladi.
Asosiy maqsadning kichik qismlari ham borki, yuqoridagi misolda körishimiz mumkin. Ishga tezroq borishimiz zarurmi, yöl haqi qimmatga tushmasligi kerakmi yoki bosib ötilajak yöl salomatligimiz uchun foydali bölsinmi? Demak, maqsadga köra eng kerakli va tög'ri usulni tanlayshimiz lozim böladi. 
Chet tillarni öqitishda ham, yuqoridagi misol kabi, maqsadga köra turli metodlar asosida dars jarayonlari olib boriladi. Öqituvchining metod salohiyati qancha yuqori bölsa, ya'ni maqsadni tög'ri qöyib unga mos metodni qöllay olsa, dars maqsadi albatta amalga oshadi va öquvchilar darsda örgangan bilimlaridan, unda orttirgan yangi könikma va malakalardan mamnun böladilar.
Chet tilini öqitish va örganish uchun köp soatli dars jarayonida öqituvchi va öquvchilar minglab maqsadli jarayonlarni amalga oshirishi zarur böladi. Demak, öqituvchi va öquvchi minglab metodlarni bilsa, qöllay olsa, oldiga qöygan maqsadiga oson va muvaffaqiyatli erisha oladi. Xösh buning uchun ular nima qilishi kerak? Ushbu savolga javobni boshqa bir maqolamizda izlab köramiz.