Metall oksid nanostrukturalarni sintezlash va ularning fotokatalitik xususiyatlarini o‘rganish Magistr akademik darajasini olish uchun yozilgan dissertatsiya

Tadqiqot obyekti va predmeti.
Tadqiqot obyekti. Tadqiqot obyekti sifatida gidrotermal va kimyoviy cho‘ktirish usulida sintezlangan ZnO nanokristallari tekshirildi.
Tadqiqot predmeti. Tadqiqot predmeti sifatida nanoo‘lchamli ZnO nanokristallari fizik-kimyoviy хossalari o‘rganildi.
Tadqiqot maqsadi va vazifalari.
Tadqiqotning maqsadi. Gidrotermal va kimyoviy cho‘ktirish usulida ZnO nanostrukturalarini o‘stirish hamda ularning strukturaviy xossalarini o‘rganish, sintez qilingan rux oksidi nanostrukturalarini fotokatalitik hossalarini metil ko‘k bo‘yog‘ini parchalanishini kuzatish orqali tadqiq etish.
Tadqiqotning vazifalari. Ushbu ishning maqsadidan quyidagi vazifalar kelib chiqadi:

• 
  ZnO nanostrukturalarini sintez qilish uchun kimyoviy moddalar va kerakli asbob uskunalarni tayyorlash;
  
• 
  Sintezda foydalanilgan tagliklarni yuqori darajada tozalash;
  
• 
  Gidrotermal va kimyoviy cho‘ktirish usulida ZnO nanostrukturalarini sintez qilish;
  
• 
  O‘stirilgan ZnO nanostrukturalarni mikrostrukturaviy, morfologik va hamda fotokatalitik hossalarini o‘rganish;
  
• 
  Fotokatalitik parchalanish jarayonida qo‘llangan eksperimental qurilmani metil ko‘k parchalanishi reaksiyasiga moslashtirish;
  
• 
  Olingan eksperimental natijalarni qayta ishlash va ularni ilmiy nuqtai nazardan tushuntirish.
  

Ilmiy yangiligi. Rux oksidi nanostrukturalarni sintez jarayonida qo‘llanilgan ikki hil tarkibli kimyoviy eritma, Zn (NO₂)₃: HTMA va ishqoriy ZnSO₄ asosida ikki hil morfologiyaga ega bo’lgan ZnO nanostrukturalarini olish ishning ilmiy yangiligi hisoblanadi. Ushbu dissertatsiya ishida turli hil rux tuzlarini suvli eritmalaridan foydalanib gudrotermal usulda nanoo‘lchamga ega bo‘lgan turli morfologiyadagi rux oksidi nanokristallarini olish metodikasi hamda ularni quyosh energiyasini samarali konversiya qilish tehnologiyasi tavsiya qilingan.