Менга берилган материални ўзбек тилига таржимон қилганимда рус сўзларининг айримларини қуйидаги таржима қилиб ишлатганман

Siqilgan tasvirlarni dekodlash kodlashga teskari tartibda bajariladi va jarayon 4.4.-rasmning pastki qismi bo‘yicha amalga oshadi. Bunda dekoderning to‘g‘ri ishlashi uchun barcha zarur ko‘rsatgichlar chiquvchi ma’lumotlar massivi sarlavhasida saqlanadi.
JPEG-2000 standartning muhim afzalligi, tasvirning alohida elementlariga uning namoyishini to‘liq dekodlamay turib ham kira olish imkoniyatidir. Bunday imkoniyat birinchidan dastlabki tasvirni alohida tasvir sifatida kodlanadigan, kesishmaydigan sohalarga (tayllarga) bo‘linishini ta’minlashi bo‘lsa, ikkinchidan esa alohida tayl kodini qismlar (qatlam) sifatida berish va har bir qatlam kod koeffitsientlari yig‘indisi bo‘lib, biror bir taylga mos keladi. Qatlamlar o‘z navbatida dekompozitsiyaning turli bosqichidagi blok koeffitsientlari kodlaridan iborat paketlarga bo‘linadi. Tasvirning biror-bir maydonini dekodlash uchun, u qanday taylga tegishli ekani va shu taylga tegishli qaysi qatlamlar tiklanishi uchun zarur bloklar koeffitsient kodlariga ega ekanligini aniqlash kifoya. 4.9-rasmda JPEG-2000 standartining chiqish oqimini tashkil etish tuzilma chizmasi ko‘rsatilgan. Ammo haqiqatda ham, ma’lumotlarning bunday namoyishi tasvirni siqish samaradorligini pasaytiradi.

4.9-rasm. JPEG-2000 standartida chiqish kodining tashkil etish chizmasi.

Biroq standart nafaqat tasvirning ma’lum qismini tez ajratish va tahrirlash imkonini beradi, balki tasvirning siqish samaradorligini pasayishiga ham yo‘l qo'ymaydi. JPEG-2000 standarti, JPEG standartining yo‘qotishlar bilan siqishdan taxminan ikki barobar, yo‘qotishlarsiz siqishdan esa 5-20% samarali ekanni tasdiqlagan.

4.3. MPEG-1 standarti
MPEGning birinchi standarti bo‘lgan - MPEG-1 CD kompakt disklarga “normal” yozish tezligi 1,4 Mbit/s bo‘lgan videofilmlarni yozish uchun ishlab chiqilgan. MPEG-1 standarti video CD formatni ta’minlashga, ya’ni VHS (uydagi video) kassetalaridagi video bilan raqobatlashadigan, havaskor video formatini qo‘llab-quvvatlaydigan, shuningdek, televizion tasvirlarni 1-3 Mbit/s tezlik bilan uzatadigan, nisbatan past tezlikdagi aloqa kanallari bo‘ylab ma’lumotlarni uzatish uchun o'ylab topilgan.
Standart 3 qismdan: video,ovoz, tizimlardan iborat.