Меnejment

3. Ishlab chiqilgan mahsulot sifatini boshqarish qanday amalga oshiriladi?

8.3. Ишлаб чиқаришни бошқариш жараёнлари Иқтисодий фаолият ишлаб чиқаришдан бошланади. Ҳар қандай ишлаб чиқаришда икки омил - шахсий-инсоний омил ва моддий-ашёвий омил иштирок этади. Чунончи: Бу ерда, - ишчи кучи (шахсий инсоний омил). - ишлаб чиқариш воситалари (меҳнат предметлари, яъни хом ашё, материаллар ва меҳнат қуроллари, яъни машина, асбоб-ускуналар, ўлчаш, ҳисоблаш асбоблари ва ҳ.к.). - ишлаб чиқариш жараёни. - тақсимот. - айирбошлаш. - истеъмол. Ишлаб чиқариш жараёнида маҳсулот яратилади ва у тақсимот, айирбошлаш орқали истеъмол қилиш билан тугалланади. Ишлаб чиқариш муҳитида бошқариш фаолиятининг асосий мақсади — бу ишлаб чиқариш самарадорлигини ошириш ва юқори фойда олишдир. Фойда олиш эса: ишлаб чиқариш омилларидан фойдаланиш самарадорлигига; инвестиция самарадорлигига; маҳсулот сифати ва унинг рақобатбардошлигига; тез ва самарали қарорларнинг қабул қилинишига; янги техника ва технологиянинг жорий қилиниш даражаси каби қатор омилларга боғлиқдир. Демак, ишлаб чиқаришни бошқариш бевосита ишлаб чиқариш жараёнига таъсир қилувчи ташқи ва ички омилларни бошқариш жараёнларини ўз ичига олади. Чунончи: ишчи кучини бошқариш; ишлаб чиқариш воситаларини бошқариш; техника ва технологияни бошқариш; ишлаб чиқариш самарадорлигини бошқариш; маҳсулот сифатини бошқариш; инвестиция самарадорлигини бошқариш; инновацион жараённи бошқариш ва ҳоказо. Қайд қилинган объектларни бошқариш дастлаб режалаштиришдан бошланиб, ишлаб чиқаришни ташкил қилиш, уни тартибга тушириш, мувофиқлаштириш билан давом эттирилиб, назорат билан тугайди. Бу ерда рағбатлантириш ишлаб чиқаришни бошқаришнинг барча функциялари жараёнида ўз аксини топади.