Меnejment

Бошқарувчи ёки бошқарув субъекти - бу бир гуруҳ кишилар ҳамда бошқарув органларидан иборат бўлиб, турли шакллар, усуллар ва техникавий воситалар ёрдамида бошқарилувчи объектга таъсир ўтказади. Бошқариш объектлари бўлмаса, унинг субъектлари ҳам бўлмайди. Демак, бошқарувчи ички тизимнинг негизида бошқарувчи кичик тизим ётади. Масалан, корхона бўғинида субъект бўлиб, шу корхонанинг директори ва унга бўйсунувчи бутун бошқарув аппарати ҳисобланади. Объект бўлиб эса шу корхонадаги барча цехлар ва участкалар ҳисобланади. Цех бўғинида субъект бўлиб, цех бошлиғи ва унга бўйсунувчи барча бошқарув аппарати ҳисобланса, бошқариладиган объектни эса барча цехлар ташкил қилади. Участка бўғинида бошқарилувчи объектга ишчиларнинг иш жойлари киради. Бошқарув субъекти бўлиб, участка бошлиқлари ҳисобланади. Иш жойларида ҳам бошқариш мавжуд бўлиб, у бошқа кўринишда амалга оширилади. Бундай бошқариш меҳнат воситаларини, яъни буюмни бошқариш дейилади (38-жадвал). 38-жадвал Ишлаб чиқаришни бошқаришда “объект” ва “субъект” тушунчалари Ишлаб чиқариш бўғинлари Бошқарилувчи тизим (объект) Бошқарувчи тизим (субъект) Корхонада • Цехлар, участкалар • Директор ва унга бўйсунувчи барча бошқарув аппарати Цехда • Участкалар • Цех бошлиғи ва унга бўйсунувчи барча бошқарув атшарати Участкада • Ишчиларнинг иш • Участка бошлиғи ва унга бўйсунувчи жойлари барча бошқарув аппарати Иш жойларида • Меҳнат воситалари • Ишчилар, хизматчилар ва бошқа хо димлар Бошқарувнинг ҳар иккала тизими ўзаро алоқадор бир бутунни ташкил қилади ва бир-бирига таъсир кўрсатади. Бир томондан, бошқарувчи тизим бошқарилувчи тизимга таъсир кўрсатган ҳолда унинг таркибини ўзагартиради, уни муайян энг қулай ва энг мувофиқ нисбатга келтиради. Иккинчи томондан эса, бошқарилувчи тизим бошқарувчи тизимга акс таъсир кўрсатади. Масалан, бошқарилувчи тизимнинг кўлами қанчалик катта бўлса, бошқарув органлари тизими шунчалик катта бўлади. Бошқарилувчи тизим қанчалик яхши уюштирилган ва унинг механизми йўлга қўйилган бўлса, бошқарувчи тизим ҳам шунчалик кичик бўлади. Ишлаб чиқариш икки турдаги бошқаришни ташкил қилади: буюмни, яъни меҳнат воситаларини бошқариш; одамлар (ишчилар)ни бошқариш. Буюмни бошқариш унинг ўзини ишлаб чиқариш жараёнидан иборат. Бу жараёнда ишчилар моддий бойлик олиш мақсадида меҳнат буюмларига таъсир кўрсатадилар ва бошқариш субъекти ролини бажарадилар. Моддий бойлик олиш учун меҳнат буюмларига бевосита таъсир кўрсатадиган ишчилар: бошқарувчи тизимда бошқаришнинг объекти (одамларни бошқариш); бошқариладиган тизимда бошқаришнинг субъекти (буюмни бошқариш) сифатида иштирок этадилар (42-чизма).