Меҳнат жамоасининг умумий йиғилишида маъқулланган

ХIV. ЖАМОА ШАРТНОМАСИ БАЖАРИЛИШИНИ

НАЗОРАТ ҚИЛИШ

14.1. Касаба уюшмаси юридик шахс сифатида рўйхатдан ўтгани ёки ўтмаганидан қатъи назар Иш берувчи билан жамоа музокараларини олиб боришда ва жамоа шартномасини тузишда устувор ҳуқуққа эга, унинг бажарилиши юзасидан жамоатчилик назоратини амалга оширади. (Ўзбекистон Республикаси «Касаба уюшмалари, уларнинг ҳуқуқлари ва фаолиятининг кафолатлари тўғрисида»ги Қонунининг 1- ва 9-моддалари).
14.2. Тарафлар тенглик асосида, мазкур Шартнома бажарилишини текшириб борувчи комиссия тузишни ўз зиммаларига оладилар. (Унинг таркиби илова қилинади).
Томонлар йилда икки маротаба мазкур Шартнома бажарилиши юзасидан текширув ўтказиш ва текширув натижаларини меҳнат жамоасининг умумий йиғилишида муҳокама қилишни ўз зиммаларига оладилар.
14.3. Тарафлар Бош келишувини тан олиб, уни бажариш мажбуриятини ўз зиммаларига оладилар. Башарти юқорида номлари келтирилган келишувларга ўзгартишлар киритилса, Иш берувчи ва Касаба уюшмаси ташкилоти икки ҳафта муддат ичида мазкур Шартномага тегишли ўзгартиш ва қўшимчалар киритиш бўйича музокаралар олиб боришни ўз зиммаларига оладилар.
14.4. Тарафлар шуни эътироф этадиларки, уларнинг мазкур Шартномада акс эттирилган манфаатлари улар томонидан жамоа шартномасининг барча шартлари ва мажбуриятлари сўзсиз бажарилган тақдирдагина рўйёбга чиқиши мумкин.
14.5.Жамоа шартномаси лойиҳасини маъқуллаш юзасидан чақириладиган меҳнат жамоасининг умумий йиғилишидан олдин унинг лойиҳасини экспертиза учун Ўзбекистон давлат муассасалари ва жамоат хизмати ходимлари касаба уюшмаси Республика Кенгашига тақдим этилади.
14.4. Мазкур Шартнома имзолангандан сўнг, тарафлар уни рўйхатдан ўтказиш учун Ўзбекистон давлат муассасалари ва жамоат хизмати ходимлари касаба уюшмаси Республика Кенгашига тақдим этадилар.
14.5. Жамоа шартномаси имзолангандан сўнг, томонлар уни бажарилиши бўйича тадбирлар режаси, масъуллар ва муддатларини белгилаб оладилар.
14.6. Шартномага киритилган ўзгартишлар ва қўшимчалар, қўшимча келишув кўринишида бўлган алоҳида ҳужжатлар билан расмийлаштирилиб, мазкур Шартноманинг ажралмас қисми бўлиб ҳисобланади.
14.7. Жамоа шартномасининг иловалари унинг ажралмас қисми бўлиб хисобланади.