Men ham askar bo’laman

Konimex tumani 7-umumiy o’rta ta’lim maktabida “Men ham askar bo’laman” mavzusida rasmlar tanlovining o’tkazilganligi to’g’risida


M A’ L U M O T

Maktabda 2022-yil 17-mart kuni maktabning boshlang’ich sinf o’quvchilari o’rtasida “Men ham askar bo’laman” mavzusida rasmlar tanlovi bo’lib o’tdi.

Tanlov maktabning 2-4-sinf o’quvchilari o’rtasida bo’lib o’tdi.O’quvchilarga tanlov uchun alohida xona ajratildi va mavzuga oid bir qancha ko’rgazmalar bilan bezatildi. Ushbu tanlov orqali o’quvchilarning tasviriy san’atga bo’lgan qiziqishlarini yanada oshirish hamda ularni vatanni sevishga,uni asrab-avaylashga,uni qo’riqlashga ,buning uchun esa albatta askar bo’lish lozimligi haqidagi tasavvurlarini yanada boyitishga qaratilgan.Shuning bilan birgalikda o’quvchilarning kompozitsion faoliyatlarini o’stirish,tasavvur qilish va tasvirlash qobiliyatlarini yanada oshirishga qaratilgan. O’quvchilar o’z rasmlarida askarlar,ularning qo’lida hilpirab turgan bayrog’imiz hamda Vatanimizning har bir qarichini qo’riqlayotgan askarlarni tasvirlaganlar.
Tanlovda eng yaxshi chizilgan rasmlar tanlab olindi.Chizilgan rasmlardan iborat ko’rgazma tashkil etildi va ulardan 1-o’rin 4-”B’sinf o’quvchisi Xudoyqulov Asadbek, 2-o’rin 4-”A”sinf o’quvchisi Kudayberdiyeva Kumush, 3-o’rin, 3-”A”sinf o’quvchisi Mardanov Mehriddinlarga berildi .
G’oliblar maqtov yorliqlari bilan taqdirlandi.

Tayyorladi: G.Kipchakova

Konimex tumani XTBga qarashli 7-umumiy o’rta ta’lim maktabida
“Bahorgi ta’til- 5 tashabbus bilan ” rasmlar tanlovining o’tkazilganligi haqida
MA’LUMOT
Konimex tumani 7-umumiy o’rta ta’lim maktabida o’quvchilarning bahorgi ta’til kunlarini mazmunli tashkil etish maqsadida 2022-yil 26-mart kuni maktab o’quvchilari o’rtasida “Bahorgi ta’til-5 tashabbus bilan” shiori ostida rasmlar tanlovi o’tkazildi.
Tanlov maktabning 5-7-sinf o’quvchilari o’rtasida bo’lib o’tdi.Tanlovda jami 17 ta o’quvchi ishtirok etdi.Tanlov uchun alohida xona ajratildi va mavzuga oid bir qancha ko’rgazmalar bilan bezatildi.
Ushbu tanlovni o’tkazishdan maqsad o’quvchi yoshlarni bo’sh vaqtlaridan unumli foydalanish hamda ularning ta’til kunlarini mazmunli o’tkazishlariga qaratilgan. Chizilgan rasmlardan ko’rgazma tashkil etildi va ular orasidan eng chiroyli chizilgan rasmlar tanlab olindi. Chizilgan rasmlar hakamlar hay’atiga baholash uchun taqdim etildi va hakamlar rasmlarni tahlil qilib ,o’quvchilarning ishlarini baholadilar hamda o’quvchilarga quyidagi o’rinlarni berdilar:
1-o’rin-6-“B”sinf o’quvchisi Hamroqulova Shodiyonaga;
2-o’rin-5-“B”sinf o’quvchisi Atabayeva Gulsanam;
3-o’rin -5-“A”sinf o’quvchisi Qodirqulova Robiyalarga berildi.
G’oliblar maqtov yorliqlari bilan taqdirlandi.


Tayyorladi: G.Kipchakova.