Meliboyeva G. S. Kimyoni o`qitishda zamonaviy texnologiyalar

Nazorat savollari
1.
Keys metodining kimyoni o`qitishdagi o`rni qanday? 
2.
Kimyoni o`qitishda keys metodining qanday turlaridan foydalaniladi? 
3.
Keys metodi qanday bosqichlardan iborat? 
4.
Keys topshiriqlarini tuzishda qanday texnologiyalardan fodalanish mumkin? 
 
9-MODUL. KIMYO FANINI O’QITISHDA LOYIHALASH 
TEXNOLOGIYASI 
21-§. Kimyo fanini o’qitishda loyihalash texnologiyasining o’ziga xos 
xususiyatlari. 

---

137 
Hozirgi kunda kimyo ta’limi jarayonida ko’plab pedagogik
texnologiyalar qo’llanilmoqda, ular ichida loyihalash ta’lim texnologiyasi ham 
alohida o’rin tutadi. Loyihalash ta’lim texnologiyasi o’qishga bo’lgan
qiziqishni oshishiga olib keladi, ularda ijodiy izlanish, mustaqillik va 
tashabbuskorlikni rivojlantiradi. 
Loyihaviy ta’lim
- ta’lim modeli bo'lib, unda o'qituvchi tomonidan 
loyihalash ko'rinishiga ega, muammoni izlash, uni tadqiq etish va hal etish, 
muayyan, beqiyos, shaxsiy va ijtimoiy ahamiyatga ega natija (mahsulot)ga 
erishish, uni ommaviy taqdim etish va jamoatchilik tomonidan baholanishini 
tashkil etish va rejalashtirishni anglatuvchi, mustaqil o'quv faoliyati tashkil etiladi. 
Loyihaviy ta'lim quyidagi dolzarb ta'lim muammolarini hal etish
imkonini beradi va davr talabiga mos keladi: 
- ta'limni real hayotga yuqori darajada yaqinlashtirilgan vaziyatda amalga 
oshirishni ta'minlaydi; 
- nazariy ma’lumotlarni amaliy faoliyat bilan boholash va o 'quvchilarni faol 
mustaqil bilish jarayoniga jalb etish imkonini beradi; 
-kasbiy va tayanch layoqatlarini shakllantirish va rivojlantirishni ta’minlaydi. 
Loyihalash texnologiyasining maqsadi o’quvchilarni turli hayotiy
ma’noga ega bo’lgan muammolarni mustaqil hal qilishiga qaratilgan. Shu
sababli ushbu texnologiya ijodiy izlanishga asoslangan turli muammoli
metodlarni birgalikda qo’llash orqali o’quvchi va ularning jamoasini mustaqil
faoliyatga yo’naltirishga qaratilgan. Bu texnologiya insonparvarlik,
o’quvchilarning bilim va ko’nikmalarini muammoni yechishga yo’naltirish va
o’zligini anglatishga asoslanadi.