|
352
Ta’lim tizimiga kompetentli yondashuv xorijiy adabiyotlarda o’tgan asrning 60-
yillarida shakllana boshlagan edi.
«Kompetentlik» - tushunchasi esa, shaxsning doimo o’sib boruvchi tasnifi bo’lib, real
hayotiy vaziyatlarda yuzaga kelgan muammolarni yechish kobiliyati, o’z bilimi, o’quv
va hayotiy tajribalari, qadriyatlari va qiziqishlarini unga safarbar etish imkoniyatlari
hisoblanadi.
«Kompetentlik» atamasi ta’lim sohasiga psixologlarning ilmiy izlanishlari natijasida
kirib keldi. Bu tushuncha noan’anaviy vaziyatlarda yoki kutilmagan hollarda
o’zini qanday tutish, muloqotga kirishish, raqiblar bilan o’zaro munosabatlarda yangi
yo’l tutish, noaniq vazifalarni bajarishda, ziddiyatlarga to’la ma’lumotlardan
foydalanishda, hamisha rivojlanib boruvchi va murakkab jarayonlarda qanday harakat
qilishi kerakligi to’g’risida nazariy bilimlar zarurligini ko’rsatadi.
Inglizcha «competence» tushunchasining lug’aviy ma’nosi «qobiliyat» demakdir,
biroq kompetensiya atamasi bilim, ko’nikma, mahorat va qobiliyatni ifoda etishga
xizmat kiladi. G’arb mamlakatlarida shakllangan an’anaga muvofiq mutaxassisning
kasbiy malakasi uning kompetentlik, ta’lim tizimi esa — bilim, ko’nikma va malakalar
darajasi bilan o’lchanadi. Xorijiy mamlakatlarda an’anaga muvofiq ishchining bilim
va malakalarining o’ziga xos-xususiyati hisoblangan mutaxassislik (malakaviy)
standartlari ishlab chiqiladi. Ushbu standart natijasinigina qayd etadi.
Kompetensiya o’z bilimlarini tinmay boyitib borishni, yangi axborotlarni o’rganishni,
shu kun va davr talablarini his etishni, yangi bilimlarni izlab topish mahoratini, ularni
qayta ishlashni hamda o’z amaliy faoliyatida qo’llashni talab qiladi. Kompetensiya
egasi bo’lgan mutaxassis muammolarni yechishda o’zi o’zlashtirib olgan, aynan shu
sharoitga mos metod va usullardan foydalanishni yaxshi bilishi, hozirgi vaziyatga
munosib bo’lgan metodlarni tanlab olib qo’llashi, to’g’ri kelmaydiganlarini rad etishi,
masalaga tanqidiy ko’z bilan qarashi kabi ko’nikmalarga ega bo’ladi. Pedagogikada
kompetent yondashish mutlaqo yangi hodisa emas, balki uning irmoqlari uzluksiz
353
rivojlanib boruvchi ta’lim jarayonlarida mavjud bo’lib, ular bosqichma-bosqich
shakllangan. «Mahorat», «malaka», «salohiyat» masalalari, faoliyat, shu bilan
birgalikda,
bir
qator
faoliyatlarning
birikuvi
M.N.Skatkin,
I.Ya.Lerner,
V.V.Krayevskiy, G.P.Shyedrovidskiy, V.V.Davidov va boshka pedagogika sohasining
olimlari ilmiy asarlari asosini tashkil etgan.
D.L.Tompson, D.Pristinlar: «Kasbiy kompetentlik - ishda kerak bo’lgan bilimlarning
va barcha axloqiy qoidalarning yig’indisidir», - deb ta’kidlaydilar.
I.V.Grishina kasbiy kompetensiya shaxsning o’z professional faoliyatini qanchalik
darajada egallaganligi, deb baho beradi va quyidagicha ta’riflaydi:
" - Ushbu faoliyatga bo’lgan munosabati, unga zarurat va qiziqishi,
intilishlari, qadriyatlari, faoliyatdan maqsadi, o’zining ijtimoiy o’rnini tasavvur qilishi;
- o’zining shaxsiy o’ziga xosligi va mutaxassis sifatidagi mavqeiga, kasbiy bilim,
mahorat va h.)ko’nikmalari, kasbiga xos boshqa xususiyatlariga baho berish;
- shu asosda o’zini kasbiy jihatdan shakllanishini va o’sishini boshqara bilishi"
A.K.Markova eng ko’p pedagog mehnatining kasbiy kompetentligi asoslarini qidirgan
pedagog olim. A.K.Markova fikri bo’yicha pedagogning mehnati kompetentlikka
aylanadi qachon-ki pedagog o’z faoliyatini yetarlicha yuqori hamda talabalarni o’qitish
va tarbiyalashni yuqori darajada amalga oshirsa. Ushbu asoslar bilan birga
pedagogning kasbiy kompetentligini to’rtga bo’lib o’rganadi:
Maxsus yoki faoliyatli kasbiy kompetentlik - bu faoliyatni yuqori kasbiy darajada olib
borishi. Maxsus kasbiy kompetentlik nafaqat maxsus bilimlardan, balki bu bilimlarni
amalga oshirishdan iborat;
Ijtimoiy kompetentlik - bu qo'shimcha faoliyatni olib borish yo’llarini bilish,
hamkorlikda bajarish yo’llarini bilish;
354
Shaxsiy kompetentlik – o’zini rivojlantirish va o’zini ko’rsatish yo’llarini bilish
(mutaxassis o’zining faoliyatini rejalashtirish, mustaqil qaror qilish, ma’lumotlar bilan
va o’z ustida ishlash).
Individual kompetentlik - bu o’zini boshqarish yo’llarini bilish, kasbiy rivojlanishga
tayyorgarlik va kasbiy yangiliklar yaratish. Shu bilan birga pedagogning bilimlari
yangiliklar bilan boyigan bo’lishi, psixologik va pedagogik fazilatlar yuqori darajada
bo’lishi.
Kasbiy kompetensiya tuzilishi va mazmuni ikki asosiy tarkibiy qismdan iborat. Kasbiy
kompetensiya - bu bilim, mahorat va tajriba o’zviyligi bo’lib, loyixalash mutaxassis
faoliyatini ruyobga chiqaruvchi omil hisoblanadi. Turli mualliflar tomonidan e’lon
qilingan kasbiy kompetensiya muammolari tug’risidagi ilmiy maqolalarda ijodiy
izlanish eng asosiy sifatlardan biri ekanligi qayd etiladi. Ayniqsa, kasb ta’limi
pedagoglari uchun bu o’ta muhim jihat sanaladi hamda mutaxassisning kasbiy
kompetensiyasida ijodkorlik masalasiga alohida urg’u beriladi.
Ijodiy dunyoqarash va qo’rqmay ijodiy faoliyat ko’rsatish, Hatto u turmush masalalari
bo’lsa ham; «talaba» va uning mashg’ulotlari erkin tarzda takomillashib borishini chin
dildan istashi va uni tashkil etish maqsadiv talabaning o’sishi va har tomonlama
rivojlanishi uchun shaxsiy mas’ullik ana shular jumlasidandir. Inson qaysi qasb sohibi
bo’lishidan qat’iy nazar o’z ishiga, mashg’ulotiga qunt bilan,mehr bilan
yondashsa,uning sir asrorini mukammal egallaydi,shu bilan birga o’z-o’zini
anglaydi,shu sohada kamol topadi.Pedagog ham bolalarni sevsa,tarbiyalasa, o’zi ham
ulg’ayadi,donishmandlik kasb etib boradi.Pedagog kelajak farzandini tarbiyalab bilim
beradi.Zero kelajak yoshlar qolida,ular bizning ertangi kunimiz. Ularda
kompetensiyalarni shakllantirilishi, dars davomida o`quvchining faqat tinglovchi yoki
eshitganini takrorlavchi “to`ti”ga emas ,balki chuqur mushohada yurituvchi,mustaqil
fikrini bayon etuvchi, boshqalar bilan o`zaro hamkorlikda ishlovchi, o`zgalar fikrini
hurmat qiluvchi,keng dunyoqarashli shaxsga aylantitishda ilg`or pedagogik
texnologiyalarning o`rni beqiyosdir. Interfaol metodlarni qo`llab dars o`tish
355
o`quvchilarda har tamonlama ilmiy-nazariy bilimlarni mustaqil egallash,bilim va
ko`nikma,malakalarini shakllantirish va shu asosida o`quvchilarning ilmiy dunyo-
qarashlarini tarkib toptirish hamda faolligini oshirish,erkin fikr yurita olishga o`rgatish
,ijodiy qobiliyarlarini aniqlash va ro`yobga chiqarish,o`qituvchi –o`quvchi
hamkorligini shakllantirish va nihoyat kafolatlangan yakuniy natijaga erishishishni
ta`minlaydi.Interfaol usullarda o`qituvchi o`quvchining mustaqil va mukammal bilim
olishi uchun muhit yaratmog`i,fan asoslarini egallashga yo`naltirmog`i ,qiziqish,mehr
uyg`otish bilan shug`ullanadi. Yangi pedagogik texnologiya dars o’tish usullari va
shakllarini o’zgartirib,ularni xilma-xil qilib,tarbiyalanuvchini o’quv jarayonining faol
qatnashchisiga aylantiradi.O’qitishning innovasion,nostandart(interfaol )shakllari
kompyuterli o’yinlar,intrenetdan foydalanish,elektron darsliklar bilan turli usullarda
yangi mavzuga ko’proq e’tibor qaratish,o’qitishni suhbat,o’yin,musobaqa,sahna
ko’rinishli,musiqali,savol-javob,aqliy hujm,mushoira sayyohat , intervyu,tijorat,bahs-
munozara kabi usullarda dars o’tishni talab qiladi.Darsning borish jarayonida ta’limiy
metodlar va usullar almashina boradi.Noan’anaviy darsda tarbiyalanuvchi shaxsi
birinchi o’rinda turadi.Pedagog tarbiyalanuvchi bilan yakkama-yakka ,interfaol
usulida harakat qiladi.
Do'stlaringiz bilan baham: |
