Международный научно-образовательный электронный журнал «образование и наука в XXI веке». Выпуск №19 (том 3)

ФИО авторов: 
Бобоев Диёр Шомуротович
Тошкент давлат транспорт университети. (Тошкент, Ўзбекистон) 
Исаров Акром Мингали ўғли
Тошкент давлат транспорт университети. (Тошкент, Ўзбекистон) 
Название публикации:
«ПОЛИЗ МАҲСУЛОТЛАРИНИ ЙИҒИШ ВА ТАШИШ 
ЖАРАЁНИГАЧА ВАҚТИНЧАЛИК САҚЛАШНИ ТАДҚИҚ ЭТИШ» 
Аннотация: 
Мақолада картошка маҳсулотларини йиғиш ва етказиб бериш 
жараёнигача сифатли сақлаш ва маҳсулотларни жойлаштириш усулларининг 
оптимал вариантлари кўрсатиб берилган. Юкларни сақлаш жараёнида табиий 
йўқотишларга ва бузилишларга сабаб бўлувчи омиллар аниқланиб, уларни 
бартараф этиш бўйича таклифлар ишлаб чиқилган. Бундан ташқари, 
маҳсулотларни сақлаш ва етказиб бериш жараёнигача бўлган давр кетма-кетлиги 
таҳлил қилиниб, мавжуд логистика тармоғидаги камчиликларни бартараф этиш 
йўли бўйича таклифлар берилган. 
Калит сўзлар: 
йиғиш турлари, маҳсулотлар омбори, совитиш тизими, 
юкларни сақлаш, транспорт турлари, юкларни жойлаштириш, юкларни қайта 
ишлаш, логистика тармоғи. 
Ҳозирги кунда мамлакатимизда сабзавот ва полиз маҳсулотлариниг ичида 
энг кўп истеъмол қилинадиган маҳсулот тури картошка ҳисобланади. 
Мамлакатимиз истеъмол маҳсулотларининг деярли ярмини картошка маҳсулоти 
ташкил қилади. Картошка учун ишлатиладиган, катталиги 0,9х0,9х0,9 м ўлчамли 
ва қарийб 450 кг сиғимли омбор контейнерлари кенг тарқалган. Ҳозирги вақтда 
0,8x1,2 м катталикдаги тагликлар ҳам ишлатилмоқда. Бундан ташқари ҳажми 30 
кг келадиган қутилардан ҳам фойдаланилаяпти. Ўтмишда идишларни андозалаш 
ва янги хилларини яратиш, жумладан, полимер материаллардан фойдаланишга 
доир ишлар олиб борилган. Идишларга қўйиладиган асосий талабларга биноан, 
уларнинг ҳамма турлари намунавий тагликка қулай жойлашадиган ва камида 3,5-

---

448 
5 м баландликдаги тахлар ҳосил қилишга имкон берадиган ҳолатда мустаҳкам 
бўлиши керак. 
Картошканинг хусусиятларидан яна энг муҳими шундаки, у сабзавотларга 
қараганда иссиқлик ва намликни унча кўп ажратмайди. Шу боисдан соғлом ва 
сараланган картошкани (табиий шамоллатишда) 1,5 м гача ва актив 
шамоллатишда 3,5-4 м гача қалинликда сақлаш мумкин. 
Тадқиқот учун ҳосил етилганидан сўнг бир қисми машинада ва қўлда кавлаб 
олиниб, сараланган картошкалар анализ қилинди. Бунда картошка пўсти ва 
этининг зарарланиши беш баллик тизим бўйича аниқланди. Сўнгра картошка ҳар 
йили 2—4-августдан 3—5-октябргача икки ойдан сақланди. Ҳар ойда намуналар 
олиб турилди. Картошка кавлашнинг уч хил усули: қўлда, КВН—2 машинасида 
ва К-3 маркали комбайн ҳам синаб кўрилган. 
Қуйида картошка маҳсулотларини комбайн, машина ва қўлда ковлаш 
натижасида маҳсулотнинг ковланиш мобайнида зарарланиш миқдори 
кўрсатилган (1-расм).