Mehnatga oid nizolarni sudda ko'rishning protsessual xususiyatlari Mehnat huquqiy munosabatlaridan kelib chiqadigan ishlarning taalluqligi va sudlovligi

Mehnat ishlarida taraflar
Mehnat huquqiy munosabatlaridan kelib chiqadigan nizoli ishlarda taraf bo'lib voyaga yetmagan, ya'ni o'n to'rt yoshdan o'n sakkiz yoshgacha bo'lgan fuqarolar ish haqini yoki boshqa daromadni tasarruf etish bilan bog'liq bitimlardan kelib chiqadigan ishlar bo'yicha sudda o'z huquqlari va qonun bilan qo'riqlanadigan manfaatlarini himoya qilish huquqi bunday nizolarni hal qilishdagi mehnatga xos protsessual xususiyatlaridandir (FPKning 38-mod-dasi). Ishdagi subyektlardan biri da'vogar hisoblanadi. Da'vogar o'zining subyektiv huquqining yoki qonun bilan qo'riqlanadigan manfaatining himoya qilinishi to'g'risidagi talabi bilan sudga murojaat qilgan shaxsdir. Наг qanday mehnat nizosi bo'yicha da'vo bilan xodimlar sudga murojaat qilganlarida da'vogar shaxs qaysi korxona, muassasa, tashkilot bilan huquqiy munosabatda bo'lgan bo'lsa, mazkur tashkilot (yuridik shaxs) javobgar bo'ladi. Bunday ishlar bo'yicha tashkilotning ma'muriyati, ya'ni ish beruvchi mansabdor shaxs javobgar bo'lmaydi.
Kasaba uyushmalari mehnat nizolarini ko'rib, hal etishda vakil sifatida ishtirok etishi ham mehnat munosabatlaridan kelib chi-qadigan ishlarning o'ziga xos xususiyatlaridan hisoblanadi. Ular xodimni (FPKning 48—49-moddalarida) huquq va qonuniy man­faatlarini o'zlariga berilgan huquq doirasida sudga vakolatnomasini ko'rsatishi bilan hech qanday sarf-xarajatsiz protsessda qatnashadi.

Aim.uz