Mazkur uslubiy qo'llanma Guliston Davlat Universiteti Tabiiy fanlar fakulteti Kimyo kafedrasining 2022 yil №2 sonli yig'ilish qarori bilan nashrga tavsiya etilgan

Galogenlarning suvda va organik erituvchilarda erishi

1. 
   Probirkaga yod kristallaridan 3—4 bo‘lak solib, ustiga 1—2 ml suv quyib aralashtiring. Yodni suvda erishini kuzating. So‘ngra, yodning suvli eritmasiga 1—2 ml benzol quying. Probirkani chayqating. Tindiring. Sodir bo‘lgan o‘zgarishlarni kuzating. Probirkada hosil bo‘lgan ikkita qatlam: suvli va benzol qatlamining rangiga e’tibor bering.
   
2. 
   Yodning suvdagi va organik erituvchi — benzoldagi eruvchanligi haqida o‘z fikringizni bildiring.
   

7- LABORATORIYA ISHI

Oltingugurt va uning tabiiy birikmalari namunalari bilan tanishish

Sizga o‘qituvchi tomonidan berilgan oltingugurt va uning tabiiy birikmalari namunalari bilan tanishing. Quyidagi jadvalni daftaringizga ko‘chirib oling va to‘ldiring.

TG’r	Namuna nomi	Kimyoviy formulasi	Nisbiy molekular massasi	Tashqi ko’rinishi	Suvda eruvchanligi
1	Oltingugurt
2	Pirit
3	Rux aldamasi
4	Gips

8- LABORATORIYA ISHI


Turli eritmalarda sulfat ioni borligini aniqlash

1. To‘rtta probirkaning birinchisida H2SO4, ikkinchisiga Na2SO4, uchinchisiga CuSO4 va to‘rtinchisiga aluminiy sulfat eritmalaridan 2—3 ml dan quying.

2. Eritmalarning har biri ustiga 1—2 ml dan BaCl2 eritmasidan quying.
3. Har bir probirkada sodir bo‘lgan o‘zgarishlarni kuzating. Reaksiya tenglamalarini yozing.
9- LABORATORIYA ISHI


Ammoniy tuzlariga so‘ndirilgan ohak ta’sir ettirib ammiak olish va uning xossalarini o‘rganish

1. 
   Ammoniy xlorid va so‘ndirilgan ohakning 1,5:1 og‘irlik nisbatdagi aralashmasini tayyorlab probirkaga soling, probirka og‘zini gaz o‘tkazgich nay o‘rnatilgan tiqin bilan berkiting
   
2. 
   Aralashmani biroz qizdiring. Ajralib chiqayotgan gazni probirkalarga yig‘ib oling.
   
3. 
   Gaz bilan to‘lgan probirka (yoki silindr)ning og‘zini berkitgan holda kristallizatordan suvga tushiring. Nima kuzatiladi?
   
4. 
   Gaz o‘tkazgich naydan chiqayotgan gazga fenolftalein shimdirilgan qog‘ozni tutib turing. Qanday hodisa sodir bo‘ladi?
   
5. 
   Gaz o‘tkazgich naydan chiqayotgan gazga xlorid kislotaga botirib olingan shisha tayoqchani yaqinlashtiring. Qanday hodisa sodir bo‘ladi? Yuqoridagi tajribalarda sodir bo‘lgan o‘zgarishlarning sababini tushuntiring. Reaksiyalarning tenglamalarini yozing.
   

10- LABORATORIYA ISHI