Мазкур намунавий дастур Олий ва ўрта махсус, касб-хунар таълими ўқув-методик бирлашмалари фаолиятини мувофиқлаштирувчи кенгашнинг 011 йил сентябрдаги 3-сон мажлис баёни билан тажрибавий дастур сифатида маъқулланган

Ўқув фанининг мақсади ва вазифалари
Фанни ўқитишдан мақсад - талабаларда умумий психологик билимларни эгаллашга, шахс психологияси, унинг фаолияти ва мулоқоти, психик тараққиёт қонуниятлари, шахсни этнопсихологик методлар ёрдамида ўрганиш бўйича билим, кўникма ва малакаларни шакллантириш.
Фаннинг вазифаси - талабаларга воқелик ва жамиятдаги воқеа- ходисаларнинг, жамият хаётида умумий психологик ходисалар, холатлар ва жараёнларнинг мохиятини тахлил этишга, шахснинг камолоти ва унга таъсир кўрсатувчи омиллар, унинг индивидуал психологик хусусиятлари, эмоционал ва иродавий сифатларини тахлил этишга ўргатишдан иборат.
Фан бўйича талабаларнинг билими, кўникма ва малакасига қўйиладиган талаблар
“Психология” ўқув фанини ўзлаштириш жараёнида амалга ошириладиган масалалар доирасида бакалавр:
-умумий психологик тушунчаларни, воқелик ва жамиятдаги воқеа- ходисаларни, шахснинг ўзида кечадиган ижтимоий-психологик жараёнларни, шахсни психологик тадқиқ қилиш усулларини билиши;
-талаба воқеликни психологик мушохада этиш, нарса-ходисаларни илмийлик ва мантиқийлик асосида ўрганиш, илмий тафаккур ва психологик тасаввурнинг уйғунлигини таъминлаш, мустақил ва замонавий фикрлаш, кундалик фаолиятда умумий психологик билимларни ва қоидаларни қўллай олиш кўникмаларига эга бўлиши;
-талаба воқеа-ходисаларни психологик нуқтаи назардан тахлил ва тадқиқ қилиш, шахс мотивацияси, эмоционал ва иродавий сифатлари, индивидуал психологик хусусиятлари, шахс ва жамият орасидаги муносабатнинг психологик қонуниятларини аниқлаш малакаларига эга бўлиши керак.
Фаннинг ўқув режадаги бошқа фанлар билан ўзаро боғлиқлиги ва услубий жихагдан узвий кетма-кетлиги
«Психология» фани ўқув режасида режалаштирилган фалсафа, педагогика ва табиий фанлар билан алоқада ўрганилиб, бу фанлардан етарли билим ва кўникмаларга эга бўлишни талаб этади.
Фаннинг таълимдаги ва ишлаб чикаришдаги урни
“Психология” гуманитар-ижтимоий-иқтисодий фанлар блокидаги фан бўлиб, кўплаб тармоқлараро муаммоларни илмий ўрганиш хамда таълим- тарбия, ижтимоий муносабатлар, мехнат фаолияти, рухий саломатлик ва кўпгина бошқа сохаларда учрайдиган долзарб муаммоларни хал этишда ўз амалий тавсиялари, услубий воситалари билан иштирок этади.