Maxsusportland sementlar

Plastifikatsiyalangan va gidrofob portlandsementlar klinker dementini plastiklaydigan yoki gidrofob (suvini o‘zidan qochiruvchi) qo‘shilma bilan birgalikda mayda qilib tuyishdan hosil bo‘ladigan gidravlik bog‘lovchi moddalardir.
Plastiklaydigan va gidrofob qo‘shilmalar sement og‘irligi­ning (quruq moddaga nisbatan) 0,1–0,25 % mikdoricha qo‘shi­ladi. Plastiklaydigan sirti faol qo‘shilmalar sifatida davlat standartlari talablariga ko‘ra sulfit spirt bardasining kon­sentrati ishlatiladi. Sement zarrachalarining ustida gidro­fob moddalarning adsorbsion pardalari borligi beton qorish­masining bevaqt yopishib qolishiga (koagulyatsiya) to‘sqinlik qiladi, shuningdek, sement zarrachalarining va to‘ldirgich­larning qatlam-qatlam bo‘lib cho‘kishini kamaytiradi hamda qorishmadan suvning ajralib chiqishini kamaytiradi, ya’ni suv, shag‘al, qum va sement qorishmasining alohida-alohida qatlamlanishiga yo‘l qo‘ymaydi. Plastiklangan sementdan tayyorlangan beton zich, sovuqqa chidamli va kam suv o‘tkazuvchan bo‘ladi. Ular ishlatilganda 10 %gacha sement tejaladi. Plastiklangan sement 300, 400, 500 va 600 markalarda chiqariladi.
1-jadval
Sement maydaligi uning mustahkamligiga ta’siri

Solishtirma yuzasi, sm^2/g	Siqilishdagi mustahkamlik, MPa kundan keyin
	1	3	28	180	360
1880	8,4	26,0	53,0	52,0	69,0
2100	14,5	28,0	47,0	60,0	72,0
3000	14,7	34,0	57,0	61,0	72,0
4000	21,5	46,0	59,0	61,0	69,0
5000	28,0	40,0	54,0	60,0	74,0