Maxsus talim vazirligi samarqand davlat universiteti inson resurslarini boshqarish fakulteti

Kontr-aktiv schyot
– bu shunday schyotki, moliyaviy hisobotda aktivning sof qiymatini aks ettirish 
uchun uning qoldig’i u bilan bog’liq bo’lgan aktiv schyotning qoldig’idan chegirib tashlanadi. Bunday schyot 
passiv schyotlarga mansub bo’lib ko’payishi kreditida, kamayishi debetida aks ettiriladi. 
Kontr-passiv schyot
– bu shunday schyotki, moliyaviy hisobotda majburiyat yoki sof qiymatni 
aks ettirish uchun uning qoldig’i u bilan bog’liq bo’lgan passiv schyotning qoldig’idan chegirib 
tashlanadi. Bunday schyot aktiv schyotlarga mansub bo’lib ko’payishi debetida, kamayishi kreditida aks 
ettiriladi. 
Korrektura usuli
ma’lumotlar hisobot davri uchun jamlangunga qadar topilgan xatolarni 
tuzatishda qo‘llaniladi. Bu usulda noto‘g‘ri yozuv ustidan, uni o‘qish mumkin qilib, ingichka bitta 
chiziq tortiladi va yuqorisiga to‘g‘ri yozuv yozib qo’yiladi.
Mahsulot tannarxi
– bu mahsulot ishlab chiqarish uchun ketgan xarajatlarning puldagi 
ifodasidir.
Majburiyatlar 
– bu moliya organlari, bank muasasalari va boshqa yuridik va jismoniy 
shaxslardan bo’lgan qarzlardir.
Moliyaviy hisobot
– buxgalteriya hisobi subyektining hisobot sanasidagi moliyaviy holati, 
hisobot davridagi faoliyatining moliyaviy natijasi va pul mablag’larining harakati to’g’risidagi 
tizimlashtirilgan axborotdan iboratdir. 
Moliyaviy natijalar
– xo’jalik yurituvchi sub’ektning foyda yoki zarar shaklida ifodalangan 
faoliyatining pirovard iqtisodiy yakunidir. 
Oborot
– debet va kredit bo’yicha yozilgan muomalalar summalarining jamidir. 
Oxirgi sal’do
– schyot bo‘yicha hisobot davrining oxiriga bo‘lgan qoldiqdir.
Passiv schyotlar
– korxonaning majburiyatlari va kapitalini aks ettirish uchun tayinlangan, hisobot 
davri boshidagi qoldiqni, hisobot davri mobaynidagi majburiyatlarni va kapitalni o’sishini kredit tomonida 
va shu davrdagi majburiyatlar hamda kapitalning kamayishini debet tomonida aks ettiradigan 
schyotlardir.