Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Pirotexnika buyumlari 
deganda, tarkibiy jihatdan pirotexnika 
moddalaridan iborat 
bo‘lgan hamda detonatsiya qilinmaydigan 
ekzotermiya reaksiyalar natijasida tashqi effektlarni (o‘t, ovoz, gaz yoki 
tutun yoxud ularning kombinatsiyalari) vujudga keltirish uchun 
mo‘ljallangan vositalar tushunilishi lozim
1
. 
Ta’kidlash joizki, O‘zbekiston Respublikasi hududida portlovchi 
materiallarni avtomobil transportida tashish qoidalarida pirotexnika 
buyumlari tegishli toifalari ko‘zda tutilgan. Xususan, xavflilik darajasiga 
ko‘ra pirotexnika buyumlarining quyidagi toifalari ajratiladi: butun 
massasi bilan portlashi mumkin bo‘lgan; butun massasi bilan 
portlamaydigan, biroq portlashda tartibsiz sochilishi mumkin bo‘lgan 
hamda atrofdagi predmetlarga jiddiy ziyon 
yetkazish xavfini 
tug’diradigan; yonganida katta hajmda issiqlik energiyasini ajratadigan 
yoxud katta portlash effektini vujudga keltirmagan holda ketma-ket 
portlaydigan; alangalanish yoki boshqa tashabbuskor holatlardagina 
portlashning katta bo‘lmagan xavfini vujudga keltiradigan. 
Hozirgi kunda O‘zbekiston Respublikasi Vazirlar Mahkamasining 
2009 yil 10 dekabrdagi «O‘zbekiston Respublikasi hududida pirotexnika 
vositalari aylanishini tartibga solish chora-tadbirlari to‘g’risida»gi 309-son 
qarorining 1-bandi bilan O‘zbekiston Respublikasi hududida pirotexnika 
vositalarini olib kirish, ishlab chiqarish, tashish, saqlash, sotish va ulardan 
foydalanish vaqtincha taqiqlangan. Qarorning 3-bandida barcha 
pirotexnika vositalari olib qo‘yilishi va keyinchalik belgilangan tartibda 
yo‘q qilinishi kerakligi belgilangan. 
Obyektiv tomondan 
tahlil qilinayotgan jinoyat ancha miqdorda 
yoxud shunday harakatlar uchun ma’muriy jazo qo‘llanilganidan keyin 
sodir etilgan pirotexnika buyumlarini qonunga xilof ravishda ishlab 
chiqarish, tayyorlash, saqlash, tashish, jo‘natish, ulardan foydalanish, 
1
Қаранг.: Ўзбекистон Республикаси ҳудудида портловчи материалларни автомобиль транспортида 
ташиш қоидалари (Ўзбекистон Республикаси Адлия вазирлиги томонидан 2005 йил 8 июлда 
1492-
сон билан давлат рўйхатидан ўтказилган), 2-банд. // Ўзбекистон Республикаси қонун 
ҳужжатлари тўплами, 2005 йил, 27-сон, 200-модда. 
58 

---

xuddi shuningdek ularni qonunga xilof ravishda O‘zbekiston 
Respublikasiga olib kirish (O‘zbekiston Respublikasidan olib chiqish) yoki 
o‘tkazishdan iborat.