Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Uchish qoidalarini buzish 
uchuvchi tomonidan uchish apparatining 
uchib ketishi, uchishi va qo‘nishi paytida uchishni boshqarishning 
belgilangan qoidalarini bajarmaslik yoki tegishlicha bajarmasligidir. 
Uchish qoidalarini buzish uchishni boshqarish texnikasida, orientirlarni 
yoki yo‘l boshqaruvini yo‘qotib qo‘yishda, pikedan chiqishning 
kechikishida, joyiga yetmay yoki undan oshib ketib yerga qo‘nishda, 
353 

---

oxirigacha chiqarilmagan shassi bilan yerga qo‘nishda, qo‘nish uchun 
pasayish tezligidan ortiq tezlik bilan harakatlanishda va hokazolardagi 
xatolar bilan bog’liq bo‘lishi mumkin. 
Uchishga tayyorgarlik ko‘rish qoidalarini buzish
ekipaj a’zolari-
ning uchishga tayyorgarlik ko‘rish va uchishga yo‘l qo‘yilishi qoidalarini 
bajarmaslik yoki mashinaning o‘zini uchishga tayyorlashning qoidalarini 
buzish bilan bog’liq bo‘ladi (kasal uchuvchining uchishi, tibbiy ko‘rikdan 
o‘tmaslik, uchish apparatiga ishlatishga yaroqsiz bo‘lgan yonilg’i yoki 
foydalanish suyuqliklarini quyish, uchish apparatiga tegishlicha bo‘lmagan 
texnik xizmat ko‘rsatilishi, ayrim tugunlar va agregatlarni sifatsiz 
ta’mirlash va hokazo). 
Uchish apparatidan foydalanish
deb, undan maqsadiga ko‘ra foy-
dalanish tushuniladi. Foydalanish tushunchasi bilan, shuningdek, uchish 
apparatlarining avariyasiz ishlab turishini ta’minlaydigan tizimlar va 
agregatlardan maqsadiga ko‘ra foydalanish ham qamrab olinadi.
Uchish apparatidan foydalanish – uning uchishi yoki uchishga 
tayyorgarlik tushunchasiga qaraganda kengroq tushunchadir. Agar uchish 
jarayoni undan foydalanishdan ajralmas bo‘lsa, u holda undan foydalanish 
ham uchish davrida, ham undan tashqarida sodir bo‘lishi mumkin 
(masalan, samolyotning angarda turish davrida, vertolyotning uchishdan 
keyingi xizmat ko‘rsatish davrida va hokazo).