Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Subyektiv tomondan JK 242-moddasi 2-qismida
javobgarlik 
belgilangan jinoyat 
qasddan
sodir etiladi. Subyekt uyushgan qurolli guruh 
tuzayotganligini yoki uning tarkibiga kirayotganligini anglaydi va buni 
xohlaydi. Jinoyatning sodir etilish motivi va maqsadi har xil bo‘lishi 
mumkin, ammo ular jinoyatni kvalifikatsiya qilishga ta’sir etmaydi. 
Jinoyatning
subyekti
16 yoshga to‘lgan, aqli raso uyushgan qurolli 
guruhni tuzgan, unga rahbarlik qilgan yoki uning a’zosi bo‘lgan har 
qanday shaxs hisoblanadi. 
Uyushgan qurolli guruh tarkibiga kiradigan yoki guruh tomonidan 
sodir etilgan hujumlarda ishtirok etgan 13 yoshdan 16 yoshgacha bo‘lgan 
voyaga yetmaganlar ular tomonidan aniq sodir etilgan va JK tegishli 
moddalarida nazarda tutilgan jinoyatlar (masalan, odam o‘ldirish, qasddan 
badanga og’ir shikast yetkazish, bosqinchilik va hokazolar) uchun 
javobgar bo‘ladilar. 
16 

---

Jinoiy uyushma tarkibida jinoyat sodir etgan, bunday guruh tuzgan, 
unga rahbarlik qilgan va jinoyat sodir etgan shaxslarning qilmishi ushbu 
modda bilan qamrab olinadi va JK boshqa moddalari bilan qo‘shimcha 
ravishda kvalifikatsiya qilinmaydi. 
2-§. Jinoiy faoliyatdan olingan daromadlarni 
legallashtirish (JK 243-moddasi) 
Mazkur jinoyatning
bevosita obyekti
respublika iqtisodiy faoliyati 
sohasida vujudga keladigan ijtimoiy munosabatlar, shuningdek, jamoat 
xavfsizligini ta’minlovchi ijtimoiy munosabatlardir. 
Jinoiy faoliyat natijasida aybdor qo‘lga kiritgan daromadlar, ya’ni 
mulk (pul mablag’lari yoxud boshqa ashyolar) jinoyatning 
predmeti
hisoblanadi. 
Odatda mazkur qilmishning predmeti talon-toroj qilish, kontrabanda, 
tovlamachilik, giyohvandlik vositalari yoki psixotrop moddalar bilan 
qonunga xilof ravishda muomala qilish, fohishaxona ochish yoki saqlash, 
pornografiya materiallarini tayyorlash yoki tarqatish kabi jinoyatlarni sodir 
etish oqibatida olingan ashyolardir.