Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

shaxsga nisbatan zo‘rlik ishlatish 
deganda, jabrlanuvchiga nisbatan ham ruhiy, ham jismoniy ta’sir 
ko‘rsatish tushunilishi zarur. 
Ruhiy zo‘rlik ishlatish 
o‘ldirish, badanga shikast yetkazish, mulkni 
nobud qilish yoki unga zarar yetkazish bilan qo‘rqitishda ifodalanishi 
mumkin. Ommaviy tartibsizliklar vaqtida ruhiy zo‘rlik ishlatishda aybdor 
bo‘lgan shaxslarning harakati faqat ko‘rib chiqilayotgan modda bo‘yicha 
kvalifikatsiya qilinadi, o‘ldirish yoki zo‘rlik ishlatish bilan qo‘rqitganlik 
19 

---

uchun javobgarlik nazarda tutilgan modda bo‘yicha qo‘shimcha 
kvalifikatsiya qilinmaydi. 
Jismoniy zo‘rlik ishlatish 
deganda, kaltaklash, do‘pposlash, 
badanga yengil yoki o‘rtacha og’ir shikast yetkazish tushunilishi zarur. 
Ommaviy tartibsizliklarni sodir etish vaqtida odam o‘ldirilganida, 
qilmish jinoyatlar jami bo‘yicha kvalifikatsiya qilinishi zarur. 
Qirg’in solish 
deganda, fuqarolarga nisbatan zo‘rlik ishlatilishi, 
moddiy boyliklar (transport, uylar, inshootlar va h.k.)ning yakson qilinishi 
tushunilishi kerak. 
O‘t qo‘yish
– biron-bir mulk, inshoot, transport yoki boshqa 
narsalarning yoqib yuborilishi. 
Mulkka shikast yetkazish – 
qisman yaroqsiz holga keltirilgan 
mulkni muayyan sarf-xarajatlar evaziga tiklash imkoniyatining mavjudligi. 
Mulkni nobud qilish 
deganda,uni batamom yaroqsiz holga, ya’ni 
mulkdan ko‘zlangan maqsadda foydalanib bo‘lmaydigan holga keltiri-
lishini tushunish zarur. 
Qurol ishlatish 
deganda, bevosita vazifasidan kelib chiqib, quroldan 
(jonli nishonni nobud qilish maqsadida o‘q otish, inshootlar, uylar, 
transportni yakson qilishda) foydalanish tushunilishi zarur. Qurollar o‘q 
otuvchi yoki sovuq qurol bo‘lishi mumkin.