Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Tuzilishining xususiyatga
ko‘ra esa, sovuq qurol nayzali, urib-
maydalovchi, aralash va maskirovka qilingan bo‘lishi mumkin. 
NOTA BENE ! 
Sovuq qurol
– 1) odamning mushaklari kuchidan foydalanib bevosita 
jabrlanuvchining tanasiga tegishli kiritish yo‘li bilan tirik nishonni yo‘q 
qilish uchun maxsus mo‘ljallangan predmetlar bo‘lib, ularga sovuq, 
nayzali qurollar (nayzalar, jangovar pichoqlar, milliy va ov pichoqlari kabi 
qurollar; nayza-pichoqlar, qilichlar va h.k.); boshqa kesuvchi, teshuvchi, 
chopuvchi yoki arralash xususiyatga ega bo‘lgan (jang boltalari, nayzalar 
va h.k.); shuningdek, urib sindiruvchi qurollar (kastetlar, nunchaklar va 
h.k.);
 
2) nishonga masofadan turib zarar yetkazishga mo‘ljallangan odamning 
mushak kuchi yordamida harakat yo‘nalishiga ega bo‘ladigan qurollar 
(nishonga otiladigan pichoqlar, boltalar va h.k.) yoxud mexanik qurilmalar 
(qamchilar, arbaletlar va h.k.) kiradi. 
 
Sovuq qurol 
tayyorlanish usuliga
ko‘ra, zavodda, kasanachilik 
holda ishlab chiqarilgan yoki aybdorning o‘zi yasagan bo‘lishi mumkin. 
Tayyorlangan joyiga
ko‘ra, sovuq qurol o‘z yurtimizda yoki xorijda 
ishlab chiqariladi. 
Muayyan predmetni sovuq qurol deb topish uchun, albatta, sud 
ekspertizasi tayinlanadi va uning xulosasi asosida mazkur predmet sovuq 
qurol deb topiladi. 
14 

---

NOTA BENE ! 
Gaz quroliga
gaz pistoletlari, gaz ballonchalari, zaharli moddalar bilan 
to‘ldirilgan, ko‘zdan yosh oqizuvchi yoki boshqacha ta’sir ko‘rsatuvchi va 
tirik nishonga vaqtincha zarar yetkazish uchun mo‘ljallangan aerozolli va 
boshqa qurilmalar kiradi. 
Shuni ta’kidlash joizki, jinoiy uyushma a’zolari odam hayoti yoki 
sog’lig’i uchun xavfli bo‘lgan biror-bir modda bilan to‘ldirilgan gaz 
qurolidan foydalansalar, bunday jinoiy guruh uyushgan qurolli guruh, deb 
topilishi kerak. Gaz qurolidagi modda shaxsning hayoti yoki sog’lig’i 
uchun xavf tug’dirmasa, qilmishni