Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Saqlash
deganda, pirotexnika buyumlarining maxsus mo‘ljallangan 
joyda (tayyor mahsulot ombori va boshqalar) vaqtincha joylashtirilishiga 
qaratilgan aybdor shaxsning har qanday qasddan sodir etilgan harakatlari 
tushunilishi lozim. 
 
Ko‘plab hollarda pirotexnika buyumlari qonunga xilof ravishda 
bozorlar va savdo komplekslarining tegishli omborxonalarida saqlanadi. 
Shuning uchun, O‘zbekiston Respublikasi Vazirlar Mahkamasining 2009 
yil 10 dekabrdagi «O‘zbekiston Respublikasi hududida pirotexnika 
vositalari aylanishini tartibga solish chora-tadbirlari to‘g’risida»gi 309-son 
qarorining 4-bandi bilan bozorlar, savdo komplekslari va korxonalarining 
rahbarlari o‘z hududlarida pirotexnika vositalari saqlanishi holatlariga yo‘l 
qo‘yilganligi uchun jinoiy javobgarlikka tortishgacha shaxsan javob 
berishi to‘g’risida qat’iy ogohlantirilganlar. 
NOTA BENE ! 
Tashish
– pirotexnika buyumlarini har qanday usulda bir joydan 
ikkinchi joyga (masalan, ishlab chiqaruvchi korxonadan bozorga) 
transportda tashishdir. 
 
O‘zbekiston Respublikasi Vazirlar Mahkamasining 2004 yil 6 
maydagi «Portlovchi moddalar va portlatish vositalarini O‘zbekiston 
60 

---

Respublikasiga olib kirish, transportda tashish, saqlash va ulardan 
foydalanish tartibini takomillashtirish chora-tadbirlari to‘g’risida»gi 213-
son qarorining 2-bandiga muvofiq portlovchi moddalar (shu jumladan, 
signal raketalari, yomg’ir yog’diriladigan raketalar, tumanga qarshi 
signallar va boshqa pirotexnika buyumlari) maxsus jihozlangan 
avtotransport vositalari va temir yo‘l vagonlarida faqat O‘zbekiston 
Respublikasi Ichki ishlar vazirligining qurollangan bo‘linmalari soqchiligi 
ostida tashiladi.
Shu bilan birga, portlovchi moddalarni (shu jumladan, pirotexnika 
buyumlari) 
O‘zbekiston Respublikasi havo kengligida fuqaro 
aviatsiyasining havo kemalari bilan tashish qat’iyan taqiqlanadi. Istisno 
hollarda bunday tashish fuqaro aviatsiyasining havo kemalari bilan 
xavfsizlikning zarur chora-tadbirlariga rioya qilingan holda O‘zbekiston 
Respublikasi Vazirlar Mahkamasining alohida qarori bo‘yicha amalga 
oshirilishi mumkin.