Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

JK 297-moddasida
gap o‘z holicha atrofdagilar uchun katta xavf 
tug’diradigan qurollar, portlovchi, radioaktiv va boshqa moddalar va pred-
metlar bilan muomalada bo‘lish qoidalarini buzish haqida ketayapti. 
JK 297-moddasi 2-qismida
quyidagilarga olib kelgan, atrofdagilar 
uchun katta xavf tug’diradigan qurollar hamda moddalar va predmetlar 
bilan muomala qilish qoidalarini buzganlik uchun javobgarlik nazarda 
tutilgan: 
a) ikki yoki undan ortiq shaxsning badaniga o‘rtacha og’ir shikast 
yetkazilishiga; 
b) og’ir shikast yetkazilishiga; 
v) odam o‘lishiga. 
JK 297-moddasi 3-qismida
quyidagilarga olib kelgan o‘sha qil-
mishlar uchun javobgarlik nazarda tutilgan: 
a) odamlar o‘limiga; 
b) boshqa og’ir oqibatlarga sabab bo‘lsa. 
«Odamlar o‘limi»
belgilari o‘zida atrofdagilar uchun katta xavf 
tug’diradigan qurollar, teng baravarlikda moddalar va predmetlar bilan 
muomala qilish qoidalarini buzish natijasida sodir etilgan ikki yoki undan 
ortiq odamlar o‘limini qamrab oladi. 
Boshqa og’ir oqibatlar
deganda, ekologik katastrofalarni, odam-
larning ommaviy kasallanishini, bir necha shaxslar badaniga og’ir shikast 
yetkazilishi, katta miqdorlarda moddiy va moddiy bo‘lmagan zarar 
yetkazishning turli shakllari va h.k. larni tushunish lozim.
Moddiy zarar harbiy mulkni, muhandislik inshootlarini, fuqarolar 
qurilishlarini va h.k. larni nobud qilish va unga shikast yetkazishda 
ifodalanishi mumkin. Moddiy bo‘lmagan tavsifdagi zarar muhim harbiy 
vazifani, jangovar, o‘quv-jangovar vazifalarini yoki boshqa tadbirlarni 
buzish bilan ifodalanadi. 
4-§. Mashinalarni boshqarish va ulardan foydalanish qoidalarini 
buzish (JK 298-moddasi) 
Jinoyatning 
asosiy bevosita obyekti 
qonun tomonidan o‘rnatilgan 
jangovar texnikani, maxsus va transport mashinalarini boshqarish va 
346 

---

foydalanish tartiblarini ta’minlovchi ijtimoiy munosabatlardan iborat.