Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

harbiy aslaha-anjomlar
hisoblanadi. 
Kiyim-bosh va aslaha-anjomlar ofitserlar tarkibidagi shaxslarga va 
harbiy xizmatni kontrakt bo‘yicha o‘tayotgan harbiy xizmatchilarga 
shaxsiy mulk qilib beriladi, ularning bunday buyumlarni kimgadir berishi, 
yo‘qotishi yoki buzib qo‘yishi esa, javobgarlikni istisno qiladi. 
Muddatli harbiy xizmatdagi harbiy xizmatchilar hamda ofitserlarga 
va harbiy xizmatni kontrakt (shartnoma) bo‘yicha o‘tayotgan harbiy 
xizmatchilarga harbiy qismning mulki bo‘lgan inventar buyumlar ham 
berilishi mumkin. Ularni tasarruf etish, behudaga sarf etish mumkin 
bo‘lmay, davlat mulkini o‘qirlash tarkibini vujudga keltiradi. 
Qurol
deganda, O‘zbekiston Respublikasi Qurolli Kuchlari harbiy 
qismlarida (harbiy muassasalarida) qurollanishda, saqlashda yoki harbiy 
qismda foydalanishda turgan, o‘q-dorilarni qo‘llash yo‘li bilan jonli yoki 
boshqa nishonni nobud etishga mo‘ljallangan jangovar texnik qurilmani 
tushunish lozim. Bu vintovka, pistolet, karabin, avtomat, boshqa o‘q 
otuvchi qurol, minomyot, ognemyot, granatamyot, artilleriya tizimi, raketa 
uchirish qurilmasi va h.k. bo‘lishi mumkin. 
Sovuq qurol, shuningdek, o‘zi yasagan o‘q otish quroli yoki jangovar 
mo‘ljalga ega bo‘lmagan qurol (signal yoki qurilish pistoleti, simli-stvolli 
ov quroli) ushbu jinoyat predmeti hisoblanmaydi. 
Ayrim turdagi qurollar faqat ma’lum texnik qurilmalarga o‘rnatish 
uchun maxsus mo‘ljallangan bo‘lishi mumkin (samolyotlar, vertolyotlar, 
tanklar). Ularga aviatsiya pushkalari, tank pulemyotlari va h.k.lar ham 
kiradi, qator vaziyatlarda bunday turdagi qurollar faqat yordamchi 
qurilmalardan foydalanib harakatga keltirilishi mumkin, ular o‘z holicha 
qurol hisoblanmaydi (aviatsiya pushkalari uchun elektrik va pnevmatik 
privodlar). 
(Qurol tushunchasi to‘g’risida kengroq JK 247-moddasi tahliliga 
qarang.) 
O‘q-dorilar
deganda, O‘zbekiston Respublikasi Qurolli Kuchlari 
harbiy qismlarida (harbiy muassasalarida) qurollanishda, saqlashda va 
334 

---

foydalanishda bo‘lgan jangga mo‘ljallangan texnik buyumlar, jonli 
nishonni yo‘qotish uchun bevosita munosabat uchun mo‘ljallangan 
portlovchi moddalar aslahalari yoki o‘q-dorilarni harakatga keltiruvchi, 
otuvchi, artilleriya, raketali, tegishli turdagi o‘q otish quroli yoki boshqa 
qurilmalar tushuniladi. Bular: jangovar o‘qlar, artilleriya va reaktiv 
snaryadlar, minomyotlarga minalar, granatamyotlarga granatalar va 
boshqalar. o‘q-dorilar bir martalik harakati bilan tavsiflanadi, chunki bir 
marta foydalanganda (to‘la yoki qisman) parchalanadi.