Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Subyektiv tomondan
jinoyat aybning murakkab shakli bilan sodir 
etiladi. Ya’ni, transportni harakatga keltirish yoki ekspluatatsiya qilish 
xavfsizligi qoidalari qasddan buziladi, uning oqibatlariga nisbatan 
ehtiyotsizlikning jinoiy o‘z-o‘ziga ishonish yoki jinoiy beparvolik 
shaklidagi ayb mavjud bo‘ladi. Aybdor transportning harakati yoki undan 
foydalanish xavfsizligi qoidalarini buzish muayyan ijtimoiy xavfli 
oqibatlar keltirib chiqarishi mumkinligiga ko‘zi yeta turib, bunday 
oqibatlar kelib chiqmasligiga asossiz ravishda umid qiladi yoxud ijtimoiy 
116 

---

xavfli oqibatlar yuzaga kelishiga aybdorning ko‘zi yetmaydi, lekin ko‘zi 
yetishi lozim va mumkin bo‘ladi. 
Agar badanga o‘rtacha og’ir yoki og’ir shikast to‘g’ri yoki egri qasd 
bilan yetkazilgan bo‘lsa, ish holatlariga qarab aybdor shaxs JK 104-
moddasi (Qasddan badanga og’ir shikast yetkazish) yoki 105-moddasi 
(Qasddan badanga o‘rtacha og’ir shikast yetkazish) bo‘yicha javobgarlikka 
tortilishi mumkin. 
JK 260-moddasida nazarda tutilgan jinoyatning 
subyekti
16 yoshga 
to‘lgan, «faoliyati transportni xavfsiz harakatlanishini tashkillashtirish 
bilan bog’liq xodimlar (masalan, havo transportida tashkilotning harakat 
xizmati, havo harakatini boshqarish markazi, ishlab chiqarish dispetcherlik 
xizmati, katta dispetcher va dispetcherlari, aeroport shturmani, katta 
shturmani, uchish rahbari) va uning harakati yoki foydalanishi bilan 
bog’liq xodimlar (uchuvchi kapitan, shturman, mashinist va uning 
yordamchisi, mexanik va uning yordamchisi, radiooperator, radist, shkiper 
va hokazo)» hisoblanadi
1
. 
Agarda aybdor transport vositasini boshqarish imkoniyatini boshqa 
jinoyat sodir etilishi, masalan, havo kemasini olib qochish natijasida olgan 
bo‘lsa qilmishni jinoyatlar majmui bo‘yicha kvalifikatsiya qilish lozim.