Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

8-§. Chegara xizmatini o‘tash qoidalarini buzish 
(JK 294-moddasi) 
O‘zbekiston Respublikasining 1999 yil 20 avgustdagi «O‘zbekiston 
Respublikasining davlat chegarasi to‘g’risida»gi 820-1-sonli Qonu-
niga muvofiq Davlat chegarasini qo‘riqlash o‘ziga: 
– har qanday joy bo‘yicha o‘tgan chegarani g’ayriqonuniy o‘zgarti-
rishga urinishni yo‘qotish, O‘zbekiston hududiga qo‘shin guruhlari va 
bandalarining qurolli bostirib kirishini daf etish; 
– chegarada qurolli va boshqa provokatsiyani yo‘qqa chiqarish; 
– ko‘rsatilgan tajovuzdan aholini, barcha turdagi mol-mulkni himoya 
etish; 
– chegarani kesib o‘tishning oldini olish va unga yo‘l qo‘ymaslik; 
– chegara orqali portlovchi, zaharlovchi, radioaktiv, narkotik 
vositalar, qurollar, o‘q dorilar va O‘zbekistonga olib kirilishi va olib 
329 

---

chiqilishi taqiqlangan boshqa narsalar hamda kontrabanda predmetlari olib 
o‘tilishining oldini olish; 
– chegara orqali mamlakatimizning iqtisodiy va siyosiy manfaat-
lariga, davlat xavfsizligiga, jamoat tartibiga, aholi salomatligiga va 
axloqiga va h.k.larga zarar yetkazuvchi ma’lumotlarga ega bo‘lgan 
taqiqlangan nashrlarni, video va tovush yozish apparatlarini olib o‘tishning 
oldini olishni qamrab oladi. 
Jinoyatning 
bevosita obyekti 
o‘rnatilgan chegara xizmatini o‘tash 
tartiblarini ta’minlovchi ijtimoiy munosabatlardir. 
Jinoyatning 
obyektiv tomoni
chegaraning daxlsizligiga zarar 
yetkazishi mumkin bo‘lgan, chegara naryadi tarkibiga kiradigan shaxs to-
monidan chegara xizmatini o‘tash tartiblarining buzilishida ifodalanadi. 
Chegara xizmatini o‘tashning «O‘zbekiston Respublikasi davlat 
chegarasi to‘g’risida»gi Qonunida hamda davlat chegaralarini qo‘riqlash 
instruksiyalarida o‘rnatilgan qoida va tartiblarida va Davlat xavfsizlik 
xizmati chegara qo‘shinlari boshqarmasi qo‘mondonining ayrim buy-
ruqlarida chegara naryadi tarkibidagi shaxslarning aniq vazifalari 
belgilangan. 
Modda blanket dispozitsiyali hisoblanib, har bir konkret vaziyatda 
chegara xizmatini o‘tashning qaysi qoidalari buzilganligini va ular 
O‘zbekiston Respublikasi chegaralarining daxlsizligiga zarar yetkazi-
lishiga olib kelishi mumkinligini aniqlash lozim.