Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

obyektiv 
tomoni 
qo‘riqlanayotgan obyektga zarar yetkazuvchi yoki jangovar vazi-
faning bajarilmay qolishiga olib keluvchi jangovar navbatchilikni 
(jangovar xizmatni) o‘tash qoidalarini buzishda ifodalanadi. 
Jangovar navbatchilik (jangovar xizmat)
tarkibiga jangovar 
bo‘linma (raschyot), kema va uchuvchi apparatlar ekipajlari, boshqaruv 
326 

---

punktlarining, jangovar ta’minlash va xizmat ko‘rsatish kuchlarining 
navbatchi smenalari kiradi. Jangovar navbatchilikni bevosita tashkil etish 
uchun harbiy qism komandiri javobgardir. 
Jangovar navbatchilik strategik ahamiyatga ega bo‘lgan raketa 
qo‘shinlarida, havo mudofaasiga qarshi qo‘shinlarda, boshqa turdagi 
qo‘shinlarda tashkil etiladi. Turli qo‘shinlardagi jangovar navbatchilik 
(jangovar xizmat) o‘tash tartiblari O‘zbekiston Respublikasi tegishli 
turdagi Qurolli Kuchlarining Bosh qo‘mondonlarining buyruqlari bilan 
o‘rnatiladi. 
Jangovar navbatchilik (jangovar xizmat) o‘tash qoidalarining 
buzilishi 
O‘zbekiston Respublikasi Qurolli Kuchlarining ichki xizmat 
Nizomida bayon etilgan me’yorlarni hamda tegishli buyruqlar, instruk-
siyalar bilan o‘rnatilgan tartibda belgilangan maxsus funksiyalarini, 
navbatchi kuchlar va vositalar tarkibidagi harbiy xizmatchilar uchun 
boshqa me’yoriy idoraviy hujjatlar bilan belgilangan vazifalarni 
bajarmaslikdan yoki yetarli darajada bajarmaganlikdan tashkil topgan. 
Bunday qoida buzish jangovar postdan ketish bilan, postda uxlab qolish, 
navbatchilikda spirtli ichimliklar ichish, jangovar navbatchilik o‘tayotgan 
joyga begonalar kirishiga yo‘l qo‘yish, texnik vositalarni buzish, maxsus 
apparaturadan foydalanish qoidalarini bajarmaslik, asboblar 
ko‘rsatkichlarini nazorat qilmaslik, olingan komandalarni bajarmaslik va 
boshqalarda ifodalanishi mumkin. Bunda qoida buzish jangovar 
navbatchilik o‘tayotgan vaqtda sodir bo‘lishi lozim, aybdor jangovar 
postda bo‘lganmi yoki dam olayotgan smenadami, bu kvalifikatsiya 
qilishda ahamiyatga ega emas. 
Ko‘rib chiqilayotgan modda blanket dispozitsiyalidir. Har bir aniq 
holatni