Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

Axborotni o‘zgartirish
deganda, kompyuter axborotining dastlabki 
holatiga uning mazmunini o‘zgartirmaydigan har xil tuzatishlarning 
kiritilishi (masalan, ma’lumotlar bazasini restrukturizatsiya qilish yoki 
qayta tashkil etish, uning fayllaridagi yozuvlarni qo‘shish, EHM yoki 
ma’lumotlar bazasi uchun dasturni bir tildan boshqa tilga o‘girish) 
tushunilishi lozim. 
Axborotga 
shikast yetkazish
deb, uni texnika vositalari bilan ishlov 
berish chog’ida yaroqsiz holatga keltirilishi (agar uni tiklash imkoniyati 
mavjud bo‘lsa) tushunilishi lozim.
Kompyuter tizimida saqlanayotgan axborotni 
o‘chirish
amalda uni 
yo‘q qilib yuborish hisoblanadi va faylni yoki uning bir qismini mantiqiy 
va moddiy jihatdan foydalanib bo‘lmaydigan holatga keltiruvchi 
operatsiyadan iborat.
Ko‘rib chiqilayotgan norma mazmunidagi 
bila turib yolg’on 
axborotni kiritish
kompyuter tizimida saqlanayotgan axborotga haqiqatga 
mos kelmaydigan ma’lumotlarni qo‘shib qo‘yishdan iborat.
Kompyuter axborotini modifikatsiyalashtirishning ko‘rsatilgan 
obyektiv belgilarini sinchiklab tahlil qilish bizga ko‘rib chiqilayotgan 
jinoyat-huquqiy norma dispozitsiyasining qonundagi tuzilishida ayrim 
jiddiy ziddiyatlarni aniqlash imkonini berdi va ularga o‘quvchi e’tiborini 
qaratmoqchimiz.
Birinchidan,
kompyuter axborotini modifikatsiyalashtirish unga 
shikast yetkazish (axborotni yaroqsiz holatga keltirish) va uni o‘chirish 
(axborotni yo‘q qilib yuborish) bilan bog’liq bo‘lishi mumkin emas. 
Modifikatsiyalashtirish axborotni qayta ishlashni, ya’ni uni o‘zgartirish, 
buzib ko‘rsatish, soxtalashtirishni anglatadi.
Jumladan, O‘zbekiston Respublikasining «Elektron hisoblash mashi-
nalari uchun yaratilgan dasturlar va ma’lumotlar bazalarining huquqiy 
himoyasi to‘g’risida»gi Qonuni 1-moddasi (Asosiy tushunchalar) 7-
qismida