Maxsus qism jamoat xavfsizligi va jamoat tartibiga qarshi jinoyatlar. Harbiy xizmatni o

NOTA BENE ! 
Foydalanish qoidalarini buzish
, masalan, qo‘pol yuklarni tashish, 
avtomashinani lozim bo‘lmagan joyga qo‘yish, transport vositasini 
boshqarishni bunday huquqqa ega bo‘lmagan shaxsga topshirish, 
mashinani bo‘sh trosda shatakka olish, jihozlanmagan transport 
mashinasida yo‘lovchi tashishda ifodalanishi mumkin. 
Umumiy ehtiyot choralarining buzilishi natijasida yuzaga kelgan, 
zararli oqibatlar keltirib chiqargan haydovchining noto‘g’ri harakatlari 
foydalanish qoidalarini buzish deb e’tirof etilmaydi. Bunday hollarda 
aybdorning harakatlari muayyan ishlarni amalga oshirish, xavfsizlik 
texnikasi, mehnatni muhofaza qilish qoidalarini buzish sifatida yoki hayot 
va sog’liqqa qarshi jinoyat sifatida kvalifikatsiya qilinadi. Masalan, 
mashinaga benzin quyishda haydovchining ehtiyotsizligi tufayli benzin 
dvigatel ustiga to‘kiladi va boshqaruv vaqtida, elektr o‘t oldirish tizimi 
buzuqligi natijasida uchqundan avtomashina alanga ichida qoladi va 
yo‘lovchi halok bo‘ladi. Bu holda qilmish JK 102-moddasiga binoan 
ehtiyotsizlik orqasida odam o‘ldirish sifatida kvalifikatsiya qilinishi 
mumkin. 
Agar shaxs ixtisoslashgan transport vositasi (avtokran, ekskavator va 
h.k.)da ishlay turib, mashinadan o‘zga, transportga xos bo‘lmagan 
maqsadda foydalanganida zarar yetkazgan, masalan, avtokranda elektr 
146 

---

liniyasi ostida yuk tushirish ishlarini belgilanganidan yaqinroq masofada 
amalga oshirib, natijada ishchilardan biri elektr tokidan halok bo‘lgan 
holda ham 
JK 266-moddasida
nazarda tutilgan jinoyat tarkibi mavjud 
bo‘lmaydi. 
Bunday xavfsizlik texnikasini buzish hollari mashina yurib 
ketayotganida ham yuz berishi mumkin, masalan, avtokran haydovchisi 
ilgakka ilingan yukni bir joydan boshqa joyga ko‘chirayotganda uni 
silkitib yuboradi va ishchining badaniga og’ir shikast yetkazadi. Bunda 
harakat xavfsizligi va foydalanish xavfsizligi qoidalari buzilmagani sababli