Maxsus qism iqtisodiyot sohasidagi jinoyatlar. Ekologiya sohasidagi jinoyatlar

JK 220-moddasining 2-qismi 
jazoni ijro etish muassasasi ishini izdan 
chiqarish jinoyatining quyidagi kvalifikatsiya qilish belgilarini qayd etadi: 
a) o‘ta xavfli retsidivist; 
b) og‘ir yoki o‘ta og‘ir jinoyati uchun hukm etilgan shaxs; 
v) bir guruh shaxslar tomonidan sodir etish. 
Og‘ir jinoyatlarga 
qasddan sodir etilib, qonunda besh yildan ortiq, 
lekin o‘n yildan ko‘p bo‘lmagan muddatga ozodlikdan mahrum qilish 
jazosi nazarda tutilgan jinoyatlar kiradi. 
O‘ta og‘ir jinoyatlarga 
qasddan sodir etilib, qonunda o‘n yildan ortiq 
muddatga ozodlikdan mahrum qilish yoki umrbod ozodlikdan mahrum 
qilish jazosi nazarda tutilgan jinoyatlar kiradi. 
Qilmish bir guruh mahkum shaxslar tomonidan sodir etilgan hollarda, 
aybdor shaxs tashkilotchi, faol ishtirokchi yoki oddiy ishtirokchi 
bo‘lganligidan qat’i nazar, aybdorning qilmishlari 
JK 220-moddasi 2-
qismi «v» bandi 
bo‘yicha kvalifikatsiya qilinadi. Qilmishni mazkur 
belgiga ko‘ra kvalifikatsiya qilishda guruh a’zolarining oldindan til 
biriktirgan yoki biriktirmaganligi ahamiyatga ega bo‘lmaydi. 
19-§. Jazoni ijro etish muassasasi ma’muriyatining qonuniy 
talablariga bo‘ysunmaslik (JK 221-moddasi) 
Jinoyatning 
bevosita obyekti 
ozodlikdan mahrum qilish jazosini ijro 
etish muassasasining bir me’yordagi faoliyat ko‘rsatishi bilan bog‘liq 
ijtimoiy munosabatlar hisoblanadi. 
Mahkumga nisbatan bir yil mobaynida jazoni o‘tash tartibi talablarini 
buzganligi uchun jazoni ijro etish koloniyasining kartseri yoki turmaga 
o‘tkazilganidan keyin, ozodlikdan mahrum qilish jazosini ijro etish 
muassasasida jazoni o‘tayotgan shaxs tomonidan ma’muriyatning qonuniy 
talablariga bo‘ysunmaslik yoxud ma’muriyatning o‘z faoliyatini amalga 
oshirishiga boshqacha yo‘sinda to‘sqinlik qilish jinoyatning