Maxsus qism iqtisodiyot sohasidagi jinoyatlar. Ekologiya sohasidagi jinoyatlar

obyektiv tomondan 
aybdorning davlat ramzlariga hurmatsizlik 
qilishda ifodalanadigan faol harakatlari bilan sodir etiladi. 
Hurmatsizlik qilish 
qonunga xilof, ijtimoiy xavfli harakatda ifodalanib, 
masalan, bayroq yoki gerbni yirtish, yo‘q qilish, shikast yetkazish, 
shuningdek, ularni bulg‘ovchi belgi, rasmlar yoki yozuvlar kiritish, 
madhiyani ijro etishda musiqa va so‘zlarni qasddan buzib aytish va 
hokazolar bilan sodir etiladi. Bunday harakatlar oshkora yoki yashirin 
tarzda sodir etilishi mumkin. 
379 

---

Agar davlat mulkini yo‘qotish yoki zarar yetkazishda ifodalanadigan 
muayyan oqibatlar yuzaga kelsa, bu qilmishni kvalifikatsiya qilishda 
e’tiborga olinishi lozim. Davlat gerbi yoki Davlat bayrog‘ini yo‘q qilish 
yoki shikast yetkazish davlat mulkiga zarar yetkazgan holda sodir etilsa, 
JK 173-moddasi 1-qismi bo‘yicha, agar ko‘pchilik uchun xavfli usulda 
yoki ko‘p miqdorda zarar yetkazilib sodir etilsa, JK 173-moddasining 2-
qismi bo‘yicha qo‘shimcha kvalifikatsiya qilinishi kerak. 
Jamiyatdagi xulq-atvor qoidalarini buzib, badanga shikast yetkazish yoki 
o‘zgalar mulkiga zarar yetkazish yoki uni nobud qilish, ommaviy joylarda 
davlat ramzlariga hurmatsizlik qilish jinoyatlar majmui tariqasida JK 215-
moddasi va JK 277-moddasi (Bezorilik) bo‘yicha kvalifikatsiya qilinadi. 
Davlatning konstitutsiyaviy tuzumini zo‘rlik bilan o‘zgartirishga 
qaratilgan shaklda ifodalangan Davlat bayrog‘i, Davlat gerbi yoki Davlat 
madhiyasiga nisbatan hurmatsizlik qilish harakatlarini qo‘shimcha 
ravishda JKning 159-moddasi bilan kvalifikatsiya qilish talab qilinadi. 
Hurmatsizlik sodir etilgan vaqgdan boshlab, ya’ni davlat ramzlarining 
mohiyati va ahamiyatini buzib talqin etish, noqonuniy maqsadlarda 
ulardan foydalanish va boshqa shu kabi biror-bir harakatlarni amalga 
oshirgan vaqtdan boshlab jinoyat 
tugallangan 
deb e’tirof etiladi. Jinoyatni 
tugallangan deb topish uchun biror-bir jinoiy oqibatning yuzaga kelishi 
talab qilinmaydi.