Maxsus qism iqtisodiyot sohasidagi jinoyatlar. Ekologiya sohasidagi jinoyatlar

NOTA BENE ! 
Muvofiqlik belgisi 
— qonunda belgilangan tartibda ro‘yxatdan 
o‘tkazilgan, alkogolli va tamaki mahsulotlarini aniq standartlarga 
muvofiqligini ko‘rsatuvchi belgi. 
Aksiz markalar va muvofiqlik belgilari bilan markalash amaldagi 
standartlar talablari va «O‘zstandart» tomonidan ma’qullangan 
O‘zbekiston Respublikasi hududidagi korxonalar tomonidan ishlab 
chiqarilayotgan alkogolli mahsulotlarini muvofiqlik belgisi bilan 
markalash tartibiga muvofiq amalga oshiriladi. 
Aksiz markalari va muvofiqlik belgisi bilan markalash alkogolli 
mahsulotda (davlat soliq xizmatining hududiy organlari tomonidan 
1
Ўзбекистон Республикасида тамаки маҳсулотлари... 3-банд. 
200 

---

beriladigan) identifikatsiyalash nomeri mavjud bo‘lgan taqdirda amalga 
oshiriladi. 
Muvofiqlik belgisini qo‘yish joylari, uning shakli, hajmi va boshqa 
parametrlari standartlar bilan belgilanadi. 
Xususan, alkogolli mahsulotning tashqi o‘ram belgisida: tegishli 
raqamlangan muvofiqlik belgisi, «O‘zstandart»ning Davlat reyestridan 
ro‘yxatdan olinganlik belgisi va korxonaning kodi, Aksiz markaga mos 
keluvchi kod, shuningdek, amaldagi normativ hujjatlar talablariga mos 
keluvchi boshqa ma’lumotlar bo‘lishi zarur
1
. 
Mahsulotni idishlarga quyish, tiqinlash, yorliqlash va Aksiz markalari 
hamda muvofiqlik belgisi bilan markalash amaldagi Standart talablariga 
muvofiq va «O‘zstandart» agentligi tomonidan tasdiqlangan Alkogolli 
mahsulotlarni muvofiqlik belgisi bilan markalash tartibiga muvofiq amalga 
oshiriladi. Ishlab chiqarish tashkilotlari, import qiluvchilar, savdo 
tashkilotlari va yakka tadbirkorlik subyektlari tovarlar va mahsulotlarni 
muvofiqlik belgilari bilan markalashtirish bo‘yicha javobgar hisoblanadi. 
Ishlab chiqaruvchi tashkilotlar agar tovar va mahsulotlar ularning ishlab 
chiqarish jarayonida markalashtirilgan bo‘lsa, qo‘shimcha ravishda 
markalashga haqli emaslar. 
Chet el oziq-ovqat va tamaki mahsulotlaridan ishlab chiqarilgan 
alkogolli va tamaki mahsulotlarini Vazirlar Mahkamasining ruxsatisiz olib 
kirish taqiqlanadi. 
— «Vino-aroq mahsulotlari va boshqa alkogolli mahsulotni idishlarga 
quyish tsexlarida har oyning birinchi kunida alkogolli mahsulotlar 
qoldiqlarini chiqarib olish, idishlarning, Aksiz 
markalarining, 
yorliqlarning, tiqinlarning va ishlab chiqariladigan mahsulotlarni 
tayyorlashga taalluqli boshqa moddiy boyliklarning holatini aniqlash yo‘li 
bilan hisobga olish amalga oshiriladi. Ushbu moddiy resurslarning tezkor 
hisobi har kuni olib boriladi»
2
. 
1
Ўзбекистон Республикаси ҳудудидаги корхоналар томонидан чиқарилаётган алкоголли маҳсулотларни 
Мувофиқлик белгиси билан маркалаш тартиби (Ўзбекистон Республикаси Адлия вазирлиги томонидан 1998 
йил 24 августда 480-сон билан давлат рўйхатидан ўтказилган, Ўзбекистон Республикаси «Ўздавстандарт» томо-
нидан 1998 йил 10 июнда тасдиқланган), 2.6-банд.
2
Қаранг:
Спирт ва алкоголли маҳсулотларни ишлаб чиқариш, идишларга қуйиш, сақлаш ва улгуржи 
сотишни ҳисобга олиш ҳамда назорат қилишга оид Низом (Ўзбекистон Республикаси Вазирлар Маҳкамасининг 
1998 
йил 2 июлдаги 275-сон қарори билан тасдиқланган), 11-банд.
201 

---

Amaldagi qonun hujjatlari talablarini buzgan holda etil spirti, alkogolli 
mahsulotlari yoki tamaki mahsulotlarini ishlab chiqarish taqiqlanadi. 
Agar etil spirti, alkogolli mahsulotlar yoki tamaki mahsulotlarini ishlab 
chiqaruvchi korxona belgilangan texnik talablarga rioya etmasa va 
iste’molchilarning xavfsizlik talablariga javob bermaydigan mahsulotlar 
ishlab chiqargan taqdirda, qilmishni JK 186-moddasi bilan kvalifikatsiya 
qilish lozim. Agar bu holatda ishlab chiqarishning o‘zi ham noqonuniy 
bo‘lgan taqdirda qilmishni JK 186-moddasi va