Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Dalillarni baholash
‒ bu isbotlashning mazmuni va shaklini tahlil qilish 
va umumlashtirishdan, hamda har bir dalilning tegishliligi, maqbulligi, 
haqqoniyligi va protsessual qaror qabul qilish uchun dalillar majmuasining 
yetarliligi haqidagi yakuniy xulosadan iborat bo‘lgan tafakkurga oid 
faoliyat. Isbotlashni amalga oshiruvchi mansabdor shaxslar dalillarni 
qonun va huquqiy ongga tayangan holda, ishning barcha holatlarini 
sinchkovlik bilan, har tomonlama, to‘liq va obyektiv tadqiq qilishga 
asoslangan ichki e’tiqodga ko‘ra baholaydilar. 
Surishtiruvchi, tergovchi, prokuror va sud dalillarni qonun va huquqiy 
ongga tayangan holda, ishning barcha holatlarini sinchkovlik bilan, har 
470 

---

tomonlama, to‘liq va obyektiv tadqiq qilishga asoslangan ichki 
e’tiqodgaga ko‘ra baholaydilar. 
Soxtalashtirish (qalbakilashtirish) tegishli “dalillar” ish hujjatlariga 
qo‘shish uchun taqdim qilinganida 
tugallangan 
jinoyat deb e’tirof etiladi. 
Bu “dalil”ning natijada nomaqbul ekanligining e’tirof etilishi sodir etilgan 
qilmishning tugallangan jinoyat kabi malakalanishiga ta’sir ko‘rsatmaydi.
Ya’ni, tergovchi, prokuror yoki surishtiruvni amalga oshirayotgan shaxs 
tomonidan dalillarning qalbakilashtirilishi vaqtidan jinoyat tugallangan 
hisoblanadi. 
Subyektiv tomondan 
jinoyat qasddan sodir etiladi. Aybdor u yoki bu 
usulda dalillarni buzayotganini anglaydi va bu dalillarni qo‘llashni istaydi. 
Maqsad va niyat g‘arazli yoki boshqa past niyatlarda bo‘lishi mumkin 
(ishning borishidan shaxsiy manfaatdorlik, hasad, xizmat manfaatlarining 
yolg‘on tushunchasi, qasos, yaqinlari, qarindoshlarga yordam berish istagi, 
aybsizni hukm qilish, aybdorni javobgarlikdan ozod qilish va hokazolar). 
Jinoyat subyekti 
surishtiruvni amalga oshiruvchi yoki isbotlashga jalb 
qilingan shaxslar bo‘lishlari mumkin (O‘zR JPKning 86-m.).