Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Ishlab chiqarish qoidalarining buzilishi 
texnologiya jarayonining 
nomaqbul tarzda tashkil etilishi, ya’ni vakolatli shaxs(lar) tomonidan uni 
boshlash, texnologiya tanlash, kimyoviy moddalar ishlab chiqarish 
xavfsizligini ta’minlaydigan boshqa chora-tadbirlarni amalga oshirishga 
oid noqonuniy, bevaqt hamda boshqa noo‘rin ko‘rsatmalar berilishi, 
shuningdek, bevosita texnologiya amaliyotlari tizimini amalga 
oshirishning buzilishi hamda uni nazorat qilish bajarilmasligidan iborat 
bo‘lishi mumkin. 
315 

---

Kimyoviy moddalar bilan ishlash (saqlash, tashish va hokazo) 
qoidalarining buzilishiga oid harakatlar 
ularni belgilangan standart va 
xavfsizlik qoidalariga muvofiq talab darajasida saqlash, siljitish va 
tashishni ta’minlash talablariga rioya qilmaslik, shuningdek, kimyoviy 
moddalarni boshqa maqsadda yoki ularni ko‘llash shartlariga rioya 
qilmagan holda foydalanish kabilardan iborat bo‘ladi. 
Saqlash 
deganda, o‘simliklarni himoya qilishning kimyoviy vositalarini, 
mineral o‘titlarni, o‘sish biostimulyatorlari yoki boshqa kimyoviy dorilarni 
muayyan joyda asrash tushuniladi. 
Ko‘rsatilgan dorilarni saqlash uchun mo‘ljallanmagan joylarda, ochiq 
joyda, to‘kilgan holda saqlash yuqorida aytilgan qoidalarni buzish 
hisoblanadi. 
Tashish 
deganda, ko‘rsatilgan dorilarni har qanday usulda bir joydan 
ikkinchi joyga olib yurish nazarda tutiladi. Tashish qoidalarini buzish, 
masalan, ko‘rsatilgan dorilarni maxsus moslashtirilmagan transportda, 
maxsus taralar mavjud bo‘lmagan transportda tashishda va hokazolarda 
ifodalanadi. 
Foydalanish 
deganda, preparatlarning maqsadga muvofiq qo‘llanilishi 
tushuniladi. 
Foydalanish qoidalarini buzish
, masalan, dorilarni tuproqqa 
solishda odamlar sog‘lig‘i, xavfsizligini ta’minlamaslik; ishlov 
berilayotgan erda odamlar bo‘lgani holda dorilarni sochish va hokazo 
harakatlarda namoyon bo‘lishi mumkin. 
Sharhlanayotgan modda 1-qismi dispozitsiyasiga muvofiq,