Maxsus qism iqtisodiyot sohasidagi jinoyatlar. Ekologiya sohasidagi jinoyatlar

Veterinariya (shu jumladan, veterinariya-sanitariya) qoidalari 
hayvonlarning (uy hayvonlarining ham, yovvoyi hayvonlar muhitidan 
belgilangan tartibda ajratilgan hayvonlarning ham) epizootiyalari, yuqumli 
va yuqumli bo‘lmagan ommaviy kasalliklariga qarshi kurashish maqsadida 
belgilangan, shuningdek, veterinariya-sanitariya, davolash, veterinariya-
profilaktika tadbirlarini o‘tkazish qoidalari, karantin qoidalari, kasallik 
o‘choqlarini yo‘q qilish tartibi hisoblanadi. 
Veterinariya sohasidagi normativ-huquqiy mazmundagi hujjatlar 
1
Ўзбекистон Республикаси Олий Кенгашининг Ахборотномаси, 1993 й., 9-сон, 335-модда; Ўзбекистон 
Республикаси Олий Мажлисининг Ахборотномаси, 1995 й., 6-сон, 118-модда; 1997 й., 4-5-сон, 126-модда.
312 

---

hayvonlar va parrandalarning yuqumli epizootik va epidemik kasalliklarga 
chalinishining oldini olishni, shuningdek, O‘zbekiston Respublikasi 
hududini qo‘shni mamlakatlardan tashib keltiriladigan hayvon va 
parrandalarning yuqumli kasalliklaridan muhofaza qilishni ta’minlaydigan 
epizootiyalarga qarshi, veterinariya-sanitariya va davolash tadbirlarini 
o‘tkazishga oid ko‘rsatma va talablarni nazarda tutadi. 
Veterinariya, veterinariya-sanitariya qoidalari va normalarini 
buzish 
harakat va harakatsizlik ko‘rinishlarida sodir etilishi mumkin. 
Birinchi ko‘rinishda buzishda subyektning uy jonivorlarini boqish, 
tashish, ulardan foydalanish bilan bog‘liq qonunda taqiqlangan tartib-
qoidalar va muolajalar, shuningdek, O‘zbekiston Respublikasi hududiga 
kasal jonivorlar yoki yuqumli kasalliklar tarqalgan nomaqbul hududlardan 
jonivorlar sotib olish hamda olib kelish va hokazolar, shu bilan birga 
zootexnik nuqtai nazardan yaramaydigan, jonivorlar kasallanishi va 
kasallik tarqalishiga sabab bo‘lgan yem hamda ozuqalar ishlab chiqarish 
va ulardan foydalanish bilan bog‘liq harakatlarni sodir etishdan iborat. 
Veterinariya va zootexnika qoidalarini harakatsizlik ko‘rinishida buzish 
oldini olish (profilaktika) maqsadidagi emlashni amalga oshirmaslik, 
karantin muddatlariga rioya qilmaslik, jonivorlarning kasallikka uchragani 
to‘g‘risida veterinariya nazorati idoralariga xabar bermaslik, jonivorlar 
yuqumli kasalliklari o‘choqdarini yo‘qotish bo‘yicha chora-tadbirlarni 
amalga oshirmaslik va hokazolardan iborat. Qoramol so‘yish ham 
veterinariya qoidalariga rioya qilmagan holda amalga oshirilishi mumkin, 
masalan, qoramolni dastlabki nazoratdan o‘tkazishdan bosh tortish yoki 
undan bo‘yin tovlash, so‘yishda sanitariya (tozalik) me’yorlariga rioya 
qilmaslik va hokazolar. 
Hayvonlar yoki parrandalar orasida epidemik kasalliklar (epizootiya) 
tarqalishi, shuningdek, shu kabi boshqa og‘ir oqibatlar mazkur jinoyatning 
oqibatlari hisoblanadi. 
Epizootiya 
tez tarqaladigan va hayvonlarning keng ko‘lamda qirilib 
ketishiga olib keladigan, uy hayvonlari va parrandalarning ommaviy 
yuqumli kasallanishi hisoblanadi (masalan, tuman hududida hayvon va 
parrandalarning oqsim yoki o‘lat kasalligiga chalinishi). 
313 

---