Maxsus qism iqtisodiyot sohasidagi jinoyatlar. Ekologiya sohasidagi jinoyatlar

ma’lumotlarni taqdim etmaslik deb tan 
olinishi 
lozim. 
Ma’lumotlarni taqdim etmaslik monopoliyaga qarshi faoliyatni amalga 
oshirishga vakolatli organga berishdan bosh tortishda yoki turli xil 
bahonalar bilan belgilangan muddatda topshirmaslikda namoyon bo‘lishi 
mumkin. Ma’lumotlarni taqdim etmaslik, shuningdek, yuklatilgan 
majburiyatlarga mas’uliyatsizlarcha munosabatda bo‘lish yoki esdan 
chiqarib yuborishda ham namoyon bo‘lishi mumkin. 
Davlat monopoliyaga qarshi organiga ma’lumotlarni taqdim etmaslik 
formal tarkibli jinoyat hisoblanadi, ya’ni muayyan bir oqibat kelib 
chiqishidan qat’i nazar, majburiyat yuklatilgan shaxs ushbu ma’lumotlarni 
taqdim etishi lozim bo‘lgan vaqtdan boshlab 
tugallangan 
hisoblanadi. 
Jinoyatni qachondan boshlab tugallangan deb topish vaqti, har bir alohida 
holatda uni taqdim etishga mas’ul shaxs va ma’lumotning xususiyatidan 
kelib chiqib belgilanishi lozim. Masalan, xo‘jalik subyektining 35 foizdan 
155 

---

ko‘proq aksiyasi sotib olinganda, bunday shartnoma haqidagi ma’lumot 
quyidagilar tomonidan taqdim etiladi: 
1)
aksiyalarni sotib olgan shaxs tomonidan shartnoma tuzilguncha. 
Shuning uchun bunday ma’lumotning shartnoma tuzilgandan so‘ng taqdim 
etilishi monopoliyaga qarshi qonunchilikni buzish sifatida ko‘riladi; 
2)
investitsiya institutlari va qimmatli qog‘ozlar oldi-sotdi 
shartnomalarini ro‘yxatdan o‘tkazuvchi boshqa shaxslar tomonidan 
bunday shartnomalar (masalan, davlat monopoliyaga qarshi kurash 
organining ruxsati bo‘lmaganda) tuzilishida qoidabuzarliklar mavjudligi 
aniqlanganda — 3 kun ichida. 
Ma’lumotlarni taqdim etish 
deganda, ularning monopoliyaga qarshi 
kurashuvchi organlarning vakolatli shaxslariga rasmiy ravishda xabar 
berishlari tushuniladi.