Maxsus pedagogika

Maxsus  ta’lim  maktablari 
(5—9-sinflar)
Maxsus  yordamchi  maktablar  umumiy  o ‘rta  ta ’lim  maktablaridan 
keskin farq qiladi. Maxsus o‘rta ta’limda aqli zaif o'quvchilarga fizika, kimyo, 
algebra  va boshqa  aqliy kuch  ko‘p  talab  etiladigan  predmetlar o ‘tilmaydi, 
qolgan  fanlarning  esa  faqat  asoslari  va  o ‘quvchilar  aqliy  faoliyatiga  mos 
tuzilgan  o‘quv  dasturlari  asosida  ta’lim  beriladi.  Maxsus  maktablaming 
asosiy  maqsadi  o ‘quvchilarni  kasb-hunarga  tayyorlash  va  hayotga 
moslashtirish  boiganligi  uchun  mehnat  darslari  asosiy  fan  hisoblanadi. 
Maxsus maktab o‘zining korreksion rivojlantiruvchi, ta’lim-tarbiya beruvchi 
vazifalarini  aynan  ana shu  mehnat  ta’limi,  mehnat  tarbiyasi  orqali  amalga 
oshiradi.  Shu  bois  ham  maxsus  maktablarda  o ‘quvchilarda  mehnatga 
munosabatni  to ‘g‘ri  shakllantirish  taqozo  etiladi.  Ular  hayotida  mehnat 
asosiy  rol  o ‘ynaydi.  Shu  bilan  birga,  mehnatga  oid  zamonaviy  bilimlar 
beriladi.  0 ‘quvchilarning  fikrlash  qobiliyatini  o ‘stirib,  olgan  nazariy 
bilimlarini amalda qo'Uashga,  hayotga tatbiq qilishga o‘rgatadi.  Bu esa o‘z 
navbatida  kasb tanlashga yo‘naltiradi,  biror-bir o‘ziga  mos  kasbni  egallash 
imkoniyatini  beradi.  Ulami  kelgusi  hayotga  tayyorlashda  maxsus  ta’lim 
markazlari mavjud. Jumladan, Toshkent shahrida «L.Mo‘minova markazi» 
aynan  ruhiy  va jismoniy  kamchilikka  ega  bo‘lgan  bolalami  reabilitatsiya 
qilish  masalalari  ustida  ish  olib bormoqda.