Maxsus adabiyot

5-7-mavzu. Saida Zunnunova. “Surat bilan suhbat” dostoni (3 soat).
Saida Zunnunovaning dostonlari haqida ma'lumot. “Surat bilan suhbat” dostonida urush va uning oqibatlari, tinchlikni e'zozlash masalasining ifodalanishi. O‘zbek ayoli, onalarning matonati, sabru irodasi va xarakter xususiyatlarining samimiy yoritilishi. Dostonning yoshlar ongiga sabr - qanoat, ajdodlar jasoratini qadrlash, ularni ulug‘lash va munosib izdosh bo‘lish tuyg‘ularini shakllantirishdagi o‘rni. “Surat bilan suhbat” syujetining tarkibiy tuzilishi va obraz yaratishdagi o‘ziga xos xususiyatlari. Dostonning badiiy o‘ziga xosligi.


8-11-mavzu. Shuhrat. “Shinelli yillar”, “Oltin zanglamas” romanlaridan parcha (4 soat)
Shuhrat hayoti haqida muhim ma'lumotlar. Shoirning ikkinchi to‘lqin – 1950 yillar qatag‘onida nohaq tuhmatlarga uchrashi va qamalishi. “Shinelli yillar”ning yozila boshlanishi. “Oltin zanglamas” romani. Romanda aks etgan voqealarning muallif tarjimai holi bilan bog‘liqligi. Sodiq obrazining hayotiyligi, bosh qahramon va uning dushmanlari misolida e'tiqod va xiyonat, vatanparvarlik va sotqinlik xislatlari va illatlarining aks etishi. Sharafli o‘lim topish, avlodlar xotirasiga sazovor bo‘lish ma’naviy yuksaklik ekani va bu g‘oyalarning roman personajlari va tasvirlangan voqealar asnosida ochib berilishi. Romanning epik ko‘lami, xalq hayotining muhim davrlari badiiy tasvirlangani.