Max + plus II avtomatik loyihalash tizimi. Kombinatsion sxemalarni tahlil qilish va sintez qilish

Elementlarni kiritish – bu kutubxonada mavjud bo‘lgan elementlar simvollarining yoki shartli grafik belgilarining sxemada joylashishi. Belgini kiritish uchun sxemaning bo‘sh joyida sichqonchaning chap tugmachasini ikki marta bosiladi, mavjud belgilar kutubxonalari ko‘rsatilgan Enter Symbol oynasini ochiladi, kutubxona tanlanib (masalan, prim), Symbol Files dan belgini tanlanadi va OK tugmasi bosiladi. Belgi nomini Enter Symbol oynasining Symbol Name qatoriga kiritish mumkin.
Primitiv kutubxona (..\prim) raqamli qurilmalarning eng oddiy asosiy mantiqiy elementlarini, shuningdek kirish va chiqish signallari uchun terminallarni (kontaktlarni) o‘z ichiga oladi.
Makrofunktsiyalar kutubxonasi (..\mf) o‘rtacha darajadagi integratsiya elementlarini o‘z ichiga oladi. (..\lpm) kutubxona parametrlarni o‘zgartirish imkoniyatiga ega yuqori darajada integratsiyalashgan modullarni o‘z ichiga oladi. (..\edif) kutubxona eski trazistor-tranzistorli mantiqiy (TTM) elementlarining modellarini o‘z ichiga oladi, ulardan foydalanish hozirda cheklangan. Barcha elementlarning tavsifi Help (Yordam)da berilgan.
Har xil turdagi belgilarni kiritish uchun Enter Symbol oynasini qayta-qayta ochish kerak. Agar sxemada bir xil turdagi bir nechta elementlar mavjud bo‘lsa, u holda kutubxonadan faqat bitta belgi kiritilishi kerak, keyin esa nusxa ko‘chirish va joylashtirish (Ctrl + C va Ctrl + V tugmalar birikmasi)dan foydalanish kerak. Elementni nusxalash uchun kursorni elementning tanasiga qo‘yish va sichqonchaning chap tugmachasini bosish ham mumkin, tanlangan element qizil konturga ega bo‘ladi. Sichqonchaning chap tugmasini bo‘sgan holda, klaviaturadagi Ctrl tugmasini bosiladi va tanlangan element yonida "+" belgisi paydo bo‘ladi. Bosilgan tugmachalarni bo‘shatmasdan, elementning nusxasini sxemaning kerakli maydoniga o‘tkazilib bosilgan tugmalarni qo‘yib yuboriladi. Ushbu usul, ayniqsa, kirish yoki chiqish terminallarini kiritishda foydalidir.
Berilgan sxemani qurish uchun barcha elementlar prim kutubxonasida mavjud. Bular Input (Kirish) va Output (Chiqish) terminallari, 3 ta kirish elementlari and3, or3. Kutubxonadagi istisno yoki elementi faqat ikkita kirishga ega – bu xor elementi.
Terminal nomini kiritish uchun kursorni PIN_NAME matniga qo‘yib, sichqonchaning chap tugmasini ikki marta bosish orqali ushbu zona tanlanadi, klaviaturadan terminal nomini kiritib (eski nom avtomatik ravishda o‘chiriladi), Enter tugmasi bosiladi. Agar quyida joylashgan boshqa terminal bo‘lsa, u xolda avtomatik ravishda kiritish uchun nom zonasi belgilanadi.