|
3-Mavzu: MAX + plus II avtomatik loyihalash tizimi. Kombinatsion sxemalarni tahlil qilish va sintez qilish.
Sxema sifatida berilgan qurilmani loyihalash.
Verilog HDL da uskuna tavsifi.
Kombinatsiyalangan sxemani tahlil qilish.
Kombinatsion sxemalarning sintezi.
Dasturlashtiriladigan mantiqiy integral sxemalarni dasturlash uchun (DMIS) Altera firmasi tomonidan MAX + plus II (Multiple Array Matrix Programmable Logic User) tizimi – mantiqiy qurilmalarni dasturlash uchun maxsus tizim ishlab chiqarilgan. MAX + plus II tizimi qurilmani loyihalash, optimallashtirish va sinovdan o‘tkazish, elementlarni dasturlashtiriladigan mantiqiy integral sxemalar chipiga joylashtirish, dasturlashtiriladigan mantiqiy integral mikrosxemalarni dasturlash jarayonlarini avtomatlashtirish uchun mo‘ljallangan. Ushbu funktsiyalarni amalga oshirish uchun dasturning turli modullari javobgardir.
Dastur (max2win.exe fayli orqali) ishga tushirgandan so‘ng ekranda MAX + plus II Manage loyihalash tizimi strukturasi (interfeysi)ni aks ettiruvchi oyna hosil bo‘lib, unda boshlang‘ich ma’lumotlardan tortib to DMIS (dasturlashtiriladigan mantiqiy integral sxemalar) mikrosxemalarini va qurilmalarni to‘liq loyihalashtirishga mo‘ljallangan 11 ta integratsiyalangan moduldan iborat loyihalash menejeri ochiladi. Tizimning istalgan modulini chaqirish MAX + plus II menyu bandidan amalga oshiriladi (1-rasm).
1-rasm. MAX + plus II loyiha menejeri oynasi.
MAX + plus II tizimi o‘rganilayotgan qurilmalarni modellashtirish va sinab ko‘rish imkonini beradi. Uni kursni o‘rganish davomida kompyuterga o‘rnatish va foydalanish tavsiya etiladi. Avtomatik loyihalashtirish tizimi (ALT)da loyihalashtirilgan qurilmalarni modellashtirish, ularni ishlashini to‘liqroq o‘rganish imkonini beradi. Bundan tashqari, MAX + plus II tizimida ishlash DMIS lar asosida raqamli qurilmalarni loyihalash usullarini o‘zlashtirish imkonni beradi.
MAX + plus II tizimi ham DMIS chipi (kristalli)ni dasturlash imkonini beradi. Biroq, bu funktsiyani bajarish uchun qurilmaning o‘ziga xos apparat tatbiqini tavsiflovchi ko‘p sonli parametrlarni hisobga olish kerak bo‘ladi. Bu esa o‘quv kursini o‘rganish doirasidan tashqariga chiqib ketadi.
Avtomatik loyihalash tizimi (ALT)da ishlab chiqilgan qurilma loyiha deb ataladi. Har bir loyihaga bir xil nomli va turli kengaytmali bir nechta fayllar mos keladi. Dastlabki ma'lumotlarni kiritish bir necha usul bilan amalga oshirilishi mumkin: sxema shaklida, tavsif shaklida yoki vaq diagrammalari shaklida.
Sxema sifatida berilgan qurilmani loyihalash.
Sxema bo‘yicha loyihani ishlab chiqish bosqichlari. Dastlabki ma’lumotlarni sxema ko‘rinishida kiritish bilan loyihani yaratish quyidagi bosqichlarni o‘z ichiga oladi.
Yangi grafik fayl yaratish — File/New (Graphic Editor file);
File/Save As (nomi. gdf).
Mavjud faylni ochish — File/Open.
Sxema kiritish. Elementlarni kiritish – sxema ustiga ikki marta bosish – Enter Symbol oynasi, kutubxona tanlash (//prim), elementni tanlash. O‘tkazgichlar bilan yoki bir xil nomlarni belgilash orqali sxema elementlarini ulash.
Yetakchi faylni o‘rnatish - File/Project/Set Project To Current File. File/Open va Set Project To Current File buyruqlari avval yaratilgan loyihalarni ishga tushirish xamda loyihada ishlashni davom ettirish imkonini beradi.
Kompilyatsiya – MAX + Plus II/Compiler.
Belgini yaratish - sxema joylashgan oynani faollashtirish, File/Create Default Symbol (File/Standart belgini yaratish) buyrug‘ini chaqirish (oddiy loyihalarda yo‘q bo‘lishi mumkin).
Signal muharririni ishga tushirish. MAX + Plus II / Waveform Editor. (MAX + Plus II / To'lqin shakli muharriri.)
Dastlabki (vaqtinchalik) diagrammalarni Save As buyrug‘i yordamida loyiha nomi bilan saqlash.
Nazorat nuqtalarini tanlash. Menyudan o‘ng tugmachani bosish orqali – Enter Nodes from SNF.
Kiruvchi sinov signallarini kiritish. Signallarni tahrirlash paneli.
Modellashtirish. Simulyatorni ishga tushirish – MAX + Plus II/simulyator.
Eng oddiy mantiqiy sxemani o‘rganish misolini ko‘rib chiqing. O‘quv faoliyatini MAX + Plus II tizimida bajarish tavsiya etiladi. Loyiha fayllari uchun siz alohida katalog yaratishingiz xamda uning nomida va unga boradigan yo‘lda ruscha harflar mavjud bo‘lmasligi kerak bo‘ladi.
2-rasmga muvofiq kombinatsiyalangan ks1 sxemasining loyihasini ishlab chiqish berilgan. Modellashtiring va har bir elementning chiqish signallarini ko‘rib chiqing. Sxema qanday ishlashini batafsil tavsifini tuzing.
2-rasm. Kombinatsiyalangan ks1 sxemasi.
Yangi grafik fayl yaratish. Loyihaning yangi grafik faylini yaratish uchun asosiy menyudan File/New buyrug‘i tanlanadi va New oynasida fayl turi (tipi) – grafik (*.gdf kengaytmasi) tanlanadi. Natijada grafik muharriri ishga tushadi va nomsiz fayl (Untitled_1) yaratiladi.
Mavjud faylni ochishga File/Open buyrug‘i imkon beradi. Ochilgan oynada fayl turini ko‘rsatishi kerak.
Yangi fayl uchun boshqa loyihalarda takrorlanmaydigan noyob nomni tanlash kerak (nomlarda bo‘sh joylarga ruxsat berilmaydi). Sxema shaklida berilgan loyihalar uchun s harfi bilan boshlanadigan nomlardan foydalanamiz, s dan so‘ng sxema rasmi raqami ko‘rsatiladi va pastki chiziqdan keyin sxemaning funktsional maqsadi ko‘rsatiladi. Bunday nomlash tizimi loyiha nomlarining takrorlanishini bartaraf qiladi va umumiy katalogdagi fayllarni topishni osonlashtiradi.
2-rasmda ko‘rsatilgan ks1 sxemasini o‘z ichiga olgan grafik fayl uchun., s2_ks1 nomini tanlaymiz va ushbu faylni File/Save As buyrug‘i bilan avval yaratilgan katalogga yozib qo‘yamiz. Tanlangan nom yaratilgan belgiga xamda ushbu loyihadagi barcha fayllarga ega bo‘ladi.
Sxema kiritish. Sxemani kiritish elementlarni kiritish va ularning ulanishini o‘z ichiga oladi.
Do'stlaringiz bilan baham: |
