Mavzusidagi dissertatsiya ishi

Kirish
Mavzuning dolzarbligi. Jahonda globallashuv jarayonining chuqurlashuvi natijasida raqobatbardosh, har tomonlama etuk, huquqiy madaniyatli kadrlarga bo‘lgan talab tobora oshib bormoqda. O‘zbekiston Respublikasi iqtisodiyotida kechayotgan tub isloxotlarning muvafaqqiyatli amalga oshirilishi hozirgi vaqtda mamlakatimiz taraqqiyotida muhim sanalgan tarmoqlarda faoliyat olib borayotgan kadrlarning malakasi, ularning huquqiy ongi, bilimi va dunyoqarashiga bog‘liq ekanligi, shubhasiz. Mamlakatimizda bugungi kunda maktabgacha ta’lim sohasini amalga oshirilayotgan yangi islohotlar ushbu sohaning tubdan o‘zgarishiga olib keldi. Zamonaviy yangi texnologiyalarning maktabgacha ta’limda amaliyotiga joriy etilishi soha faoliyatini samarali tashkil etishda muhim qadam bo‘lib hisoblanadi. Ammo, maktabgacha ta’lim tashkilotlarida ta’lim-tarbiya oluvchi bolalarning sifatli o‘qitilishida mazkur jarayonda muhim o‘rin egallovchi omillardan biri bo‘lib qoladi. O‘tgan davr mobaynida mamlakatimizda o‘sib borayotgan avlodni sog‘lom va har tomonlama etuk voyaga etkazish, ta’lim-tarbiya jarayoniga samarali ta’lim va tarbiya shakllari hamda usullarini joriy etishga qaratilgan maktabgacha ta’limning samarali tizimini tashkil etish bo‘yicha keng ko‘lamli ishlar amalga oshirildi. Respublikamiz Prezidenti Sh.Mirziyoyev tomonidan yosh avlod tarbiyasining birinchi va muhim bo‘g‘ini bo‘lgan maktabgacha ta’lim tizimini rivojlantirishga alohida e’tibor qaratilmoqda. Xususan, 2017 yil 16 avgust va 19 oktyabr kunlari bo‘lib o‘tgan yig‘ilishlarida bu masala atroflicha muhokama qilingan edi. 2017 yil 30 sentyabrda Muhtaram Prezidentimiz tomonidan “Maktabgacha ta’lim tizimi boshqaruvini tubdan takomillashtirish chora-tadbirlari to‘g‘risida”ga Farmoni hamda “O‘zbekiston Respublikasi Maktabgacha ta’lim vazirligi faoliyatini tashkil etish to‘g‘risida”gi qaror qabul qilindi. Davlatimiz Rahbarining hududlarga tashriflari chog‘ida o‘tkazilgan majlislarida ham bu borada ko‘plab vazifalar belgilab berildi. “Bolalar tarbiyasi jarayoniga o‘z ishini puxta biladigan, malakali va har bir bolaga individual yondasha oladigan pedagog-kadrlarni jalb qilgan holda, ularni go‘dakligidan ongi va tafakkurini to‘g‘ri shakllantirib bormasak, kelajakda yuksak saviya, bilim va ma’naviyatga ega bo‘lgan barkamol avlodni tarbiyalash qiyin bo‘ladi” – de aytgan edi Sh.M.Mirziyoyev. Shu maqsadda, avvalo 7 yoshgacha bo‘lgan bolalarni maktabgacha ta’lim tashkilotlariga qamrovini keskin oshirish, shu bilan bir qatorda ularga sifatli ta’lim va tarbiya berishga alohida e’tibor qaratildi. Xususan, ushbu vazifalardan kelib chiqib, davlat va nldavlat maktabgacha ta’lim tashkilotlari (xususiy, davlat xususiy sherikchilik, oilaviy) soni keskin ko‘paytirildi hamda bolalarning qamrovi bosqichma-bosqich rejalashtirilgan holda ortib bormoqda. 2018 yilda O‘zbekiston Respublikasi Maktabgacha ta’lim vazirligi tomonidan qabul qilingan “Ilk qadam” maktabgacha ta’lim tashkilotining Davlat o‘quv dasturi va O‘zbekiston Respublikasining ilk va maktabgacha yoshdagi bolalar rivojlanishiga qo‘yiladigan davlat talablariga asosan respublikamizdagi maktabgacha ta’lim tashkilotlari tarbiyalanuvchilarining o‘yin kompetensiyasini rivojlantirish yangi ta’lim sohasi sifatida qabul qilingan. Shu sababdan, bugungi kunda Respublikamiz olimlari tomonidan bu masalaga oid salmoqli ilmiy izlanishlar amalga oshirilganligiga qaramay, hali maktabgacha ta’lim yoshidagi tarbiyalanuvchilarning o‘yin kompetensiyasini rivojlantirishning pedagogik imkoniyatlari to‘liq o‘rganilmagan. Ana shu sababli tadqiqot mavzusini “Didaktik o‘yinlar orqali bolalarni mustaqil fikrlashga o‘rgatishdagi metodik imkoniyatlar” deb belgilashni maqsadga muvofiq deb bildik.