Mavzusida uslubiy tavsiya

1-o‘quvchi: Alisher Navoiy 1441-yil 9-fevralda Hirotda tug‘iladi.

2-o‘quvchi: Alisher bolalikdan ma’rifatli oila muhitida tarbiya topdi. Navoiyning otasi G‘iyosiddin Muhammad (uni «G‘iyosiddin kichkina» ham der edilar) temuriy larga yaqin amaldorlardan bo‘lib, o‘z davrining obro‘li va ma’rifatli kishilaridan sanalgan. Adabiyotshunos Davlatshoh Samarqandiyning yozishicha, u o‘g‘li Alisher ning tarbiyasiga e’tibor bergan va kelajakda fazilatli

odam bo‘lib yetishmog‘i uchun astoydil harakat qilgan.

3-o‘quvchi: Onasi Kobul amirzodalaridan Shayx Abusaid Changning qizi bo‘lgan. Bo‘lajak shoirning tog‘alari Mir Said (Mirsayid) Kobuliy yaхshi shoir, Muhammad Ali G‘aribiy shoir, sozanda va хattot edilar.

4-o‘quvchi: Alisher oilada uchinchi yoki to‘rtinchi farzand bo‘lib, maktabda bo‘lajak sulton Husayn Boyqaro bilan birga o‘qidi. U erta savod chiqardi.

She’r o‘qish va yod olish, she’r bitishga bolalikdan havasi uyg‘ondi.

5-o‘quvchi: Kichik maktab yoshida fors shoiri Farididdin Attorning kattalar ham tushunishi qiyin bo‘lgan «Mantiq uttayr» dostonini fors tilida o‘qib ham uqib yod olgani uning yoshlik iste’dodining muhim qirralaridan edi.

6-o‘quvchi: 1447-yilda podshoh Shohrux Mirzo vafot etib, poytaxt Hirot notinch bo‘lib qoladi. Alisherlar oilasi Iroqqa ko‘chib ketadi.

O‘qituvchi vaqt belgilaydi , shu vaqt ichida qaysi guruhdan ko‘p o‘quvchi chiqib ketsa, o‘sha guruh mag‘lub bo‘ladi. G‘olib guruh a’zolarining har biri “5”ball bilan baholanadi.